Mundarija kirish I bob. O‘zbekiston respublikasi buxgalteriya hisobining milliy standarti (22-son bhms) «Chet el valyutasida ifodalangan aktivlar va majburiyatlarning hisobi»

Xususiy kapital to‘g‘risidagi hisobot
89. Xususiy kapital to‘g‘risidagi hisobotda xususiy kapitalning harakati, rezervlarni shakllantirish, to‘lash uchun hisoblangan dividendlar to‘g‘risidagi axborot taqdim etiladi.
Moliyaviy hisobotga izohlar, hisob-kitoblar va tushuntirishlar
Izohlar, hisob-kitoblar va tushuntirishlarni tuzishdan maqsad
90. Xo‘jalik yurituvchi sub’ektlar moliyaviy hisobotga izohlar, hisob-kitoblar va tushuntirishlarda quyidagilarni amalga oshirishi kerak:
90.1. Xo‘jalik yurituvchi sub’ektning moliyaviy hisobotini tuzishda va hisob siyosatida tanlab olingan va qo‘llanilayotgan asos to‘g‘risidagi axborot taqdim etishi;
90.2. BHMS talab qiluvchi, moliyaviy hisobotning hech bir joyida ko‘rsatilmagan axborotni yoritib berishi;
90.3. Moliyaviy hisobotda keltirilmagan, lekin moliyaviy hisobotni aniq va haqqoniy tasavvur etish uchun zarur bo‘lgan qo‘shimcha tahliliy axborotni taqdim etishi.
Tushuntirishlar tarkibi
91. Moliyaviy hisobotlarga tushuntirishlar tizimli ravishda tushuntirish xati ko‘rinishida taqdim bo‘lishi kerak.
Tushuntirishlardagi axborot moliyaviy hisobotda keltirilgan tegishli moddalarga havola etilgan holda taqdim etilishi lozim.
92. Tushuntirish odatda shunday tuziladiki, u foydalanuvchiga moliyaviy hisobotlarni yaxshiroq tushunishga va ularni boshqa xo‘jalik yurituvchi sub’ektlarning moliyaviy hisoboti bilan quyidagicha qiyoslashiga yordam beradi:
92.1. Buxgalteriya hisobining milliy standartlariga muvofiqligi haqidagi hisobot;
92.2. O‘lchov asosi va buxgalteriya hisobida qo‘llanilayotgan siyosat to‘g‘risidagi hisobot;
92.3. Moliyaviy hisobotlarda keltirilgan moddalar uchun yordamchi axborot;
92.4. Quyidagilarni o‘z ichiga olgan boshqa yoritib berishlar:
92.4.1. Shartli majburiyatlar, oddiy majburiyatlar va boshqa moliyaviy yoritib berishlar;
92.4.2. Moliya bilan bog‘liq bo‘lmagan yoritib berishlar.
93. Moliyaviy hisobotlarni tayyorlash asosi va buxgalteriya hisobi bobidagi maxsus siyosat haqidagi axborot moliyaviy hisobotga izohlar oldidan alohida hisobot ko‘rinishida taqdim etilishi kerak.