Mundarija kirish I bob. O‘zbekiston respublikasi buxgalteriya hisobining milliy standarti (22-son bhms) «Chet el valyutasida ifodalangan aktivlar va majburiyatlarning hisobi»

Moliyaviy hisobotlarning asosiy identifikatsiyalangan rekvizitlari
57. Moliyaviy hisobotlar moliyaviy hisobotlarning bir xil turdagi shakllarida aniq identifikatsiyalangan bo‘lishi kerak.
58. Quyidagi axborotlar moliyaviy hisobotlarning har bir sahifasida iloji boricha to‘liq aks ettirilishi kerak:
58.1. Sub’ektning nomi, mulk shakli, yuridik manzili, bo‘ysunishi, identifikatsiya raqami va sub’ektni aniqlash uchun boshqa rekvizitlar;
58.2. Moliyaviy hisobotlar yakka korxonalarni yoki korxonalar guruhini o‘z ichiga oladimi;
58.3. Hisobot sanasi yoki moliyaviy hisobotlar bilan qamrab olingan davr.
59. Taqdim etilgan hisobot axborotini to‘g‘ri tushunish uchun quyidagi rekvizitlar ham yoritib berilishi va zarur bo‘lganda takrorlanishi kerak:
59.1. Moliyaviy hisobotlar o‘lchangan valyuta va agar bir necha valyutadan foydalanilgan bo‘lsa, ular ifodalangan valyutalar;
59.2. Moliyaviy hisobotlarda raqamlarni ko‘rsatish uchun foydalanilgan aniqlik darajasi, masalan, raqamlar minglar hisobida ko‘rsatilganmi yoki millionlar hisobidami va hokazo.
Hisobot davri va hisobot sanasi
60. 1 yanvardan 31 dekabrgacha bo‘lgan kalendar yil moliyaviy hisobotning hisobot davri hisoblanadi.
Moliyaviy hisobot kalendar yildan farqli davr uchun, qonun hujjatlarida nazarda tutilgan hollarda oy yoki chorak uchun tuzilishi mumkin.
61. Moliyaviy hisobotlar uchun hisobot sanasi hisobot davrining so‘nggi kalendar kuni hisoblanadi. Chunonchi sub’ektning yillik buxgalteriya balansi uchun 31 dekabr hisobot sanasi hisoblanadi, moliyaviy natijalar to‘g‘risidagi yillik hisobot uchun 1 yanvardan 31 dekabrgacha bo‘lgan davr hisobot davri hisoblanadi.
Moliyaviy hisobotni taqdim etish
62. Moliyaviy hisobot quyidagilarga taqdim etiladi:
62.1. Sub’ektning mulk egalariga (davlat mulkini boshqarishga vakolatli organlarga, ishtirokchilarga, ta’sischilarga) — ta’sis hujjatlariga muvofiq;
62.2. Davlat soliq xizmati organlariga — sub’ekt ro‘yxatga olingan joyi bo‘yicha;
62.3. Davlat statistika organlariga;
62.4. Qonun hujjatlariga muvofiq — boshqa organlarga.
63. Xo‘jalik yurituvchi sub’ektlar moliyaviy hisobotni hisobot yilidan keyingi 15 fevraldan kechiktirmay topshiradi.
64. Vazirliklar, idoralar, boshqa boshqaruv organlari va ayrim sub’ektlar uchun O‘zbekiston Respublikasi Moliya vazirligi hisobot taqdim etishning boshqa muddatlarini belgilaydi.
65. Sub’ekt bilan bir shaharda joylashgan mahkamalarga moliyaviy hisobotni taqdim etish vaqti uni amalda tegishli joyga topshirish kuni, boshqa shahardagilar uchun esa pochta korxonasi shtempelida ko‘rsatilgan sana uni jo‘natish kuni hisoblanadi.
Hisobotni taqdim etish sanasi dam olish kuniga to‘g‘ri kelib qolgan hollarda taqdim etish muddati dam olish kunidan keyingi birinchi ish kuniga o‘tkaziladi.