Мундарижа I. Мамлакатни ижтимоий-иқтисодий ривожлантиришнинг 2018 йилги

олий ва ўрта махсус касб-ҳунар таълими 
муассасалари
, шунингдек кадрлар тайёрловчи бошқа муассасалар фаолиятини 
молиялаштиришга 2019 йилда 
4,0 трлн. сўм
(тасдиқланган режага нисбатан 
94,4 млрд. сўмга кўп) йўналтирилади, жумладан: 
академик лицейларга – 
274,7 млрд. сўм 
(аввалги йилга нисбатан 4,2 фоизга 
ошмоқда); 
касб-ҳунар коллежларига – 
1 795,6 млрд. сўм 
(аввалги йилга нисбатан 
42 фоизга камаймоқда); 
олий ўқув юртларига – 
1 335,1 млрд. сўм
(аввалги йилга нисбатан 45 фоизга 
ошмоқда). 
Касб-ҳунар коллежларига ажратилаётган маблағларнинг камайиши 
умумтаълим мактабларида 10-11 синфлар очилаётганлиги билан изоҳланади. 
Жумладан, 2019 йилда республикада мавжуд 885 та касб-хунар коллежида
3-курс ўқувчилар сони 167 минг кишини ташкил этади. 
Олий таълим
тизимига харажатлар жорий йилда давлат гранти асосида 
олий ўқув юртларига қабул квоталари 22,3 минг кишига кўпайиши (2018 йилда 
19,2 минг киши) ва қўшимча равишда 5,5 минг ўрин грант асосида алоҳида 
тоифадаги шахсларга имтиёзли равишда (етимлар, ногиронлар, ҳарбий 
хизматчиларнинг болалари ва шошилинч ҳарбий тайёргарликдан ўтган болалар) 
ажратилиши натижасида ошмоқда. 
2019 йил охирида давлат гранти асосида ўқиётган талабалар сони 93 минг 
кишини ташкил этиши кутилмоқда (2018 йилда 88 минг киши). 
2019 йилда олий ўқув юртлари раҳбарияти ва профессор-ўқитувчиларининг 
иш ҳақлари 2 маротаба, яъни 1 январдан – 20 фоизга ва 1 июлдан – 25 фоизга 
ошиб, иш ҳақини ошириш билан боғлиқ харажатларга 290,2 млрд. сўм 
ажратилди. Шуни алоҳида таъкидлаш ўринлики, жорий йилдаги иш ҳақи 
миқдорларининг оширилишини инобатга олган ҳолда олий ўқув юртлари 
профессор-ўқитувчиларининг иш ҳақлари ўтган йилга нисбатан умумий ҳисобда 
2,3 бараварга ошди. 
Бундан ташқари, олий маълумот олиш имкониятларини кенгайтириш 
мақсадида республикада янги олий ўқув юртлари ва хорижий олий ўқув 
юртларининг филиаллари ташкил этилмоқда. 
Хусусан, жорий йилда Ўзбекистон Республикаси Президенти ва 
Ҳукуматнинг алоҳида қарорлари асосида Тошкент давлат иқтисодиёт 
университети Самарқанд филиали, Ўзбекистон Миллий университети Жиззах 
филиали, Тошкент қишлоқ хўжалигини механизациялаш муҳандислари 
институтининг Қарши филиали, Тошкент давлат педагогика университети ва 
Тошкент кимё-технология университетининг Шаҳрисабз филиали ва Тошкент 
кимё-технология институти Янгиер филиаллари фаолияти ташкил этилди. 

---

30 
2019 йилда янги очилган олий ўқув юртлари филиаллари фаолиятини 
молиялаштириш учун Давлат бюджетидан 
5,6 млрд. сўм
маблағ ажратилиши 
режалаштирилган. 
Шунингдек, 2019 йилда Тошкент шаҳрида “ММФИ” миллий тадқиқот ядро 
университети” федерал давлат автоном олий таълим муассасасининг филиали, 
Самарқанд шаҳрида “Россия давлат жисмоний тарбия, спорт, ёшлар ва туризм 
университети” федерал давлат бюджети олий таълим муассасасининг филиали, 
Тошкент шаҳрида “МЭИ” миллий тадқиқот университети” Федерал давлат 
бюджети олий таълим муассасаси филиали ташкил этилиб, уларни 
молиялаштириш учун Давлат бюджетидан жорий йил охирига қадар