Мундарижа I боб. “Кўп тармоқли фермер хўжалигини ташкил этиш ва бошқариш” фанининг предмети, мақсади ва вазифалари 10

5.Умумлаштирилган таҳлил кўп тармоқли фермер хўжалигини фаолиятида бир-бирига мос бўлган ёки айрим белгилари бўйича ўзига хос хусусиятларига эга бўлган маълумотларни тўплаб таҳлил қилиш тушунилади.
6. Структуравий таҳлил усули кўп тармоқли фермер хўжалигини келгусида ривожлантириш имкониятларини билиш, бизнес улушини ортиб боришига баҳо бериш, кичик бизнес субъектлари орасида айрим тармоқ ва корхона ўрнини аниқлашга ёрдам беради.
7.Системали ёндошув усули кўп тармоқли фермер хўжалигини бошқаришда агробизнесни ривожланиши ва уни келгусида иқтисодий самара беришини таъминловчи омилларни бир тартибга (системага) келтириб,натижаси бўйича аниқ тадбирлар белгиланиб қарорлар қабул қилишдир.
Фермер хўжалиги раҳбари ўз назарий илмийғояларини амалга ошириш учун қуйидаги усуллардан фойдаланади.
Дедуктив усули, умумий қоидалар ва қонуниятлардан келиб чиқиб, нисбатан натижавий хулосалар чиқарилади. Ҳар қандайиқтисодий тамойил ва меҳанизмнинг амал қилишини аниқлашда даставвал назарий ғояларга, сўнгра уларнинг амал қилишига асосланилади. Бу жараён муаммони тадқиқ этишнинг дедуктив усули деб номланган. Юқоридаги масалани тадқиқ этишда, ўрганишда даставвал маълумотлар, воқеалар, фактлар ўрганилади.
Индуктив усули, алоҳида бир хил фактлардан умумлаштиришга, натижавий умумий хулосалар чиқаришга таянилади. Назарий ғояларни яратиш жараёни эса индуктив тадқиқ этиш усули деб номланган. Демак, қишлоқ хўжалигида амалга оширилаётган ҳар қандайиқтисодий муаммони аввал унинг назариясидан, яъни ғоясидан амал қилишига қараб ўрганиш ёки бу муаммонинг амалиётга жорий этилишидан, яъни амалиётдаги ҳолатига асосланган ҳолда ғоя ёки назариясини яратишга қараб тадқиқот олиб бориш мумкин.Иккала ҳолатда ҳам иқтисодий тамойилларнинг, меҳанизмларнинг, муаммоларнинг ечими самарали аниқланиши керак. Иқтисодчилар ўз ғояларига, тахминларига, айрим воқеаларга, маълумотларга асосланган ҳолда яратган ёки шакллантирган ғояларини, тахминларини гипотеза, яъни асосланмаган ғоя, деб аташади. Илмий ёки амалий гипотезалар индуктив ва дедуктив тадқиқот усуллари ёрдамида шакллантирилиши мумкин.
Юқоридаги усуллар ёрдамида кўп тармоқли фермер хўжаликларининг иқтисодий ва ишлаб чиқариш фаолияти ва инвестиция лойиҳалари, таъминот ва хизмат кўрсатувчи тармоқларнинг фаолияти ҳамда маҳсулот ишлаб чиқаришнингиқтисодий самарадорлиги таҳлил қилиниб, хўжаликни келгусида ривожлантириш истиқболлари белгилаб олинади⁴.