Мундарижа I боб. “Кўп тармоқли фермер хўжалигини ташкил этиш ва бошқариш” фанининг предмети, мақсади ва вазифалари 10

Фермер хўжаликларининг ривожланиши.Республикада фаолият кўрсатаётган қишлоқ хўжалик корхоналаридан, фермер хўжалиги ўзининг ишлаб чиқариш салоҳияти ва олинган иқтисодий самраси билан бошқа субъектлардан ўз устинлигини кўрсатди. Шунинг учун фермер хўжалигини ривожлантиришга эътибор кучайтирилиб, Ҳукуматнинг кўплаб фармон, қарор ва қонун ости ҳужжатлари қабул қилинди. Натижадафермер хўжаликларини ривожлантириш бўйича иқтисодий ислоҳатлар олиб борилиши асосан, 4 босқичда амалга оширилди.
I босқич. Фермер хўжалигини ташкил қилиш жараёнининг бошланиши (1998-2001 йиллар).
II босқич. Фермер хўжалигини риважлантириш бўйича ҳуқуқий меъёрий ҳужжатларнинг қабул қилиниши (1992-1996 йиллар).
III босқич. Фермер хўжаликларини қишлоқ хўжалигида устувор хўжалик юритувчи шакл сифатида ривожланиши (1997-2000 йиллар).
IV босқич. Фермер хўжаликларини ривожлантирилиши (2001 йилдан бошлаб). Бу кейинги даврни ўз ичига олиб, бу давр фермер хўжаликларини истиқболда устувор ривожлантириш дастурларининг қабул қилиниши билан характерланади. Бу босқичда республика Президентининг 2003 йил 24мартида №ПФ-3226 сонли “Қишлоқ хўжалигида иқтисодий ислоҳотларни чуқурлаштиришнинг энг муҳим йўналишлари тўғрисида” ва 2003 йил 27октябрида №ПФ-3342 сонли “2004-2006 йилларда фермер хўжаликларини ривожлантириш концепцияси тўғрисида”ги Фармонлари қабул қилинди.Фермер хўжалигини ривожлантириш Концепциясининг асосий вазифалари: қишлоқда ижара муносабатларини ривожлантириш асосида ер майдонларидан фойдаланишни тартибга солиш, шунингдек, ер ва сув ресурсларидан мақсадли фойдаланишнинг чора-тадбирларини ишлаб чиқиш; маҳсулот етиштиришда, моддий-техника ресурслари билан таъминлашда фермер хўжаликларининг иқтисодий мустақиллигини лизинг ва сервис хизматларидан самарали фойдаланиш; фермер хўжаликларига кредит бериш ва унинг тартибини соддалаштириш; маҳсулот етиштиришни ўз вақтида молиялаш ва кредитлашни такомиллаштиришга доир чора-тадбирлар тизимини амалга ошириш; хўжаликда маҳсулот етиштириш, уни қайта ишлаш, сотиш ва ижтимоий инфратузилмани кенг кўламда ривожлантириш; фермерларни ўқитиш ва қайта тайёрлашнинг замонавий тизимини ташкил қилиш; фермерларга фан-техника тараққиëти, янги агротехникалар ва илғор тажрибаларни амалиëтга жорий этиш; истиқболсиз ширкат хўжаликларини фермер хўжаликларига айлантирилишда бўшаб қоладиган ишчи ходимларни фермер хўжаликларига жойлаштириш тадбирларини амалга ошириш ва ундан самарали фойдаланишдан иборатдир³.