«muhandislik kommunikatsiyalari qurilishi» kafedrasi

Kurs loyihasini rasmiylashtirish

Kurs loyihasi yozuv uchun mo‘jallangan standart qog‘ozlarda aniq va tushunarli qilib bajariladi. Qog‘ozni chap tomonidan tikish uchun 30-35 mm qoldiriladi. Kurs loyihasining barcha betlari titul betidan boshlab oxirgi betigacha tartib bilan raqamlanadi. Birinchi bet titul varag‘i hisoblangani uchun unga raqam qo‘yilmaydi.

Kurs loyihasi tarkibiy jihatdan, odatda, kirish qismi, 3-5 ta savol, xulosa, foydalanilgan adabiyotlar ro‘yxati va ilovalardan iborat bo‘ladi. Kirish qismida mavzuning dolzarbligi, maqsadi va vazifalari, kurs loyihasini yozishga asos bo‘lgan amaliy ma’lumotlarning axborot manbalari, izlanishning obyekti, predmeti va amaliy ahamiyati aks ettiriladi. Ishni ilovada ko‘rsatilgan namuna bo‘yicha titul varog‘i bo‘lishi kerak. Titul varog‘i qo‘lyozma yoki kompyuterda yozilishi mumkin. Kurs loyihasi qat’iy ravishda uslubiy ko‘rsatma asosida bajarilishi kerak. Hisoblar va yozuvlarda qo‘llanilgan ma’lumot materiallarini foydalanilgan adabiyotlar ro‘yxatida qayd qilinishi lozim.

Kurs loyihasining titul (ilova-5 ga qarang) varog‘idan so‘ng topshiriq varaqasi joylashtiriladi (ilova-5 ga qarang). Kurs loyihasi yakunlangandan so‘ng kafedrani biriktirilgan o‘qituvchilari tomonidan unga taqriz yoziladi (ilova-6 ga qarang). Taqriz kurs loyihasi topshiriq varaqasidan so‘ng joylashtiriladi.

TALABA DIQQATIGA! “Agar ilm o‘z-o‘zidan hech qanday amaliy foyda keltirmaganda ham, uni befoyda deb bo‘lmaydi, jilla qursa u aqlni ishlatib, miyada tartib o‘rnatadi” (F.Bekon)