«muhandislik kommunikatsiyalari qurilishi» kafedrasi

Kurs loyihasini himoya qilish

Kurs loyihasini himoya qilish jarayoni talaba uchun eng muhim bosqich hisoblanadi. Unda talabaning kurs loyihasi mavzusi bo‘yicha to‘plagan bilimlari sinaladi. Talaba o‘z ishini yaxshi bilishi, to‘plagan ma’lumotlarining manbalarini aniq ko‘rsata olishi, hisob-kitoblar asosida tahlil uslubiyoti va usullarini tushuntirib berishi, nazariy va amaliy savollarga javob bera olishi lozim.

Talaba o‘zi yozgan ishi bo‘yicha uning mazmuni, o‘rganish predmeti, amaliy ma’lumotlarning manbaasi, ularni umumlashtirish usullari, asosiy xulosalarini qisqacha yoritib beradi.

So‘ngra taqrizda ko‘rsatilgan kamchiliklar bo‘yicha hamda ish yuzasidan qo‘shimcha savol-javoblar asosida talabaning bilimi tekshiriladi va himoya natijasiga ko‘ra kurs loyihasi baholanadi.

TALABAGA OGOHLANTIRISH! Diqqat qiling, “g‘alvirni suvdan ko‘taradigan” vaqt keldi. Siz uchun birov jangga kirmaganidek, himoyaga ham kirmaydi!

Ushbu uslubiy ko‘rsatma talabalarning mustaqil ravishda gaz ta’minoti tizimlari to‘g‘risidagi bilim va tafakkurlarini mustahkamlashga yaqindan yordam beradi degan umiddamiz.

Kirish qismi

Ushbu qismda mavzuga oid dolzarb masala va muammolar yoritiladi. Jumladan, past va o‘rta bosim gaz tarmog‘ining gidravlik hisob sxemasi, gaz trassasining rejasi va ko‘ndalang qirqimlari to‘g‘risidagi ma’lumotlar kabi masalalar yoritilishi lozim.

Bu topshiriqni bajarishda ko‘proq rivojlangan chet davlatlar tajribalarini o‘rganish va ularni bizning mahalliy sharoitimizda qo‘llash imkoniyatlari tahlil qilish tavsiya etiladi.