Муҳаммад ал-Хоразмий номидаги Тошкент ахборот технологиялари университети

Инсонпарварлик принципи

Миллий ғоя бир миллатни ёки синфнинг иккинчи бир миллат ёки синф устидан ҳукмронлигини тарғиб этувчи (миллатчилик, фашизм, коммунизм), шунингдек ирқий ва диний хусусиятларни устун қўювчи (сионизм, геноцид, диний экстремизм, миссионерлик, прозелитизм) ҳамда шахсий манфаатларни умуминсоний манфаатлардан устун қўювчи (эгоцентризм каби) мафкураларга қарши курашади.

Инсонпарварлик принципи

Миллий ғояда инсон – олий қадрият. Инсоннинг миллий, диний, ирқий, ижтимоий белгилари унинг моҳиятини белгиламайди. Инсоннинг моҳияти унинг яратувчанлик қобилияти, эл-юрт, жамиятга келтираётган фойдаси билан боғлиқ.

«Миллий ғоя: асосий тушунча ва тамойиллар» фанининг ижтимоий фанлар тизимидаги ўрни

• Миллий ғоя илмий билиш объекти сифатида бошқа фанлар, масалан, фалсафа доирасида тадқиқ этиб келинган. Шу боис, фалсафий ғоялар ва улар ўртасидаги мафкуравий курашлар мазкур янги фанга асос бўлиб хизмат қилади;
• «Ўзбекистонда демократик жамият қуриш назарияси ва амалиёти» – мустақиллик йилларида пайдо бўлган фанлардан бири. 1998 йилдан эътиборан Ўзбекистон олий таълим муассасаларида махсус кафедралар очилиб, ушбу фан ўқув предмети сифатида ўргатила бошланди. Мазкур фанлар бир-бири билан чамбарчас боғлиқ. Улар ўзаро ўхшаш кўринса-да, аслида, моҳиятида фарқ мавжуд. Ўзбекистонда демократик жамият қуриш назарияси ва амалиёти фани мамлакатда демократик институтларнинг шаклланиши ва ривожланиши қонуниятларини тадқиқ этади. Бу фаннинг асосий тадқиқот объекти – демократия бўлса, «Миллий ғоя: асосий тушунча ва тамойиллар» фанининг объекти эса – миллий ғоя.

• «Маънавият асослари» ҳамда «Миллий ғоя: асосий тушунча ва тамойиллар» фанлари бир-бирини тўлдиради ва бойитади.
• «Миллий ғоя: асосий тушунча ва тамойиллар» фани маданиятшунослик, диншунослик, ахлоқшунослик (этика), сиёсатшунослик, эстетика, Ўзбекистон тарихи каби ижтимоий фанлар билан ҳам алоқадордир.

Мустақилликни мустаҳкамлашда миллий ғоянинг аҳамияти