Муҳаммад ал-Хоразмий номидаги Тошкент ахборот технологиялари университети

Муҳаммад ал-Хоразмий номидаги Тошкент ахборот технологиялари университети

“Миллий ғоя: асосий тушунча ва тамойиллар” фанининг предмети, мақсади ва вазифалари”

Тошкент-2019

Режа:

• “Миллий ғоя:асосий тушунча ва тамойиллар” фани пайдо бўлишининг объектив зарурияти
• Фаннинг предмети, категориялари ва принциплари
• “Миллий ғоя:асосий тушунча ва тамойиллар” фанининг ижтимоий фанлар тизимидаги ўрни
• Ватанпарвар малакали кадрлар тайёрлаш – миллий ғоя талаби

“Миллий ғоя:асосий тушунча ва тамойиллар” фани пайдо бўлишининг объектив зарурияти

Миллий ғоя фани мустақиллик шарофати билан пайдо бўлиб, Республика таълим тизимига Ўзбекистон Республикаси Биринчи Президенти Ислом Каримовнинг 2001 йил 18 январдаги «Миллий ғоя: асосий тушунча ва тамойиллар фанини таълим тизимига жорий этиш тўғрисида»ги фармойиши билан татбиқ этилган.

“Миллий ғоя:асосий тушунча ва тамойиллар” фани пайдо бўлишининг объектив зарурияти

Мустақиллик масъулияти жамият, давлат ва ҳар бир инсондан янгича дунёқараш ва янги тафаккурни талаб этади. Бундай дунёқараш ва тафаккур изланувчанлик, ташаббускорлик, яратувчанлик ва бағрикенгликка (толерантликка) асосланган ҳамда тобелик ва қуллик психологиясидан ҳоли, эгоцентризм (лотинча «ego» – мен, «centrum» – марказ, ўрталик маъноларини англатади. Манманлик ва худбинликнинг учига чиққан шакли)га қарши бўлиши зарур. Айнан шуларга бўлган объектив эҳтиёж миллий ғояни ўрганиш, билиш ва тарғиб қилишни долзарб масалага айлантирди.

«Ўзининг ҳаётини, олдига қўйган мақсадларини аниқ тасаввур қила оладиган, ўз келажаги ҳақида қайғурадиган миллат ҳеч бир даврда миллий ғоя ва миллий мафкурасиз яшамаган ва яшай олмайди. Мафкура бўлмаса, ҳар қайси давлат ва жамият, қолаверса, ҳар қайси инсон ўз йўлини йўқотиши муқаррар. Миллий мафкура халқнинг мақсад-муддаоларини ифодалайди, тарих синовларидан ўтишда унинг руҳини кўтариб, суянч ва таянч бўлади, шу миллат, шу жамият дуч келадиган кўплаб ҳаётий ва маънавий муаммоларга жавоб излайди. У инсонга фақат моддий бойликлар ва неъматлар учун эмас, аввало, Аллоҳ таоло ато этган ақл-заковат, иймон- эътиқод туфайли юксак маънавиятга эришиш учун интилиб яшаш лозимлигини англатадиган, бу мураккаб ва таҳликали дунёда унинг тараққиёт йўлини ёритадиган маёқдир»