Муҳаммад ал-Хоразмий номидаги Тошкент ахборот технологиялари университети

Ислом Каримов

“Миллий ғоя:асосий тушунча ва тамойиллар” фани пайдо бўлишининг объектив зарурияти

Миллий ғоянинг ва «Миллий ғоя: асосий тушунча ва тамойиллар» фанининг пайдо бўлиши турли даврларда содир бўлган ҳодисалардир. Миллий ғоя Ўзбекистон халқининг пайдо бўлиши билан боғлиқ маънавий ҳодисадир. Халқ бор экан, миллий ғоя мавжуд бўлади. Бу объектив ҳақиқатдан мустамлакачилик даврларида (Аҳамонийлар, грек-македонияликлар, Араб халифалиги, мўғул-татарлар, чор Россияси, советлар даврида) кўз юмиб келинди. Ҳар қандай босқинчи бирор халқни тобе қилиш учун биринчи навбатда унинг қалбидан ўзига бўлган ҳурмат ва ишончни, миллий ғурур ва халқ бирлиги туйғуларини йўқотишга ҳаракат қилади. Чунки бундай туйғуларга эга бўлганларни ҳеч ким тобе қилолмайди.

Таълим жараёнига ушбу фан киритилишининг объектив зарурати қуйидагилар билан боғлиқ:

Ўзбекистон халқининг ўз тақдирини ўзи белгилаш ҳуқуқини қўлга киритганлиги; ўзликни англаш, мустақил тафаккурга эга бўлиш, қуллик ва тобелик психологиясидан халос бўлиш, бузғунчи ва ёт мафкураларга қарши иммунитетга эга бўлиш, миллий ғурур ва онгни юксалтириш, инсон салоҳиятини рўёбга чиқариш, ватанпарварлик, инсонпарварлик, толерантлик, тинчликсеварлик, бунёдкорлик каби фазилатларни шакллантириш, инсонни энг олий қадрият сифатида улуғлаш каби долзарб вазифалар қўйилаётгани билан боғлиқ.

«Миллий истиқлол ғояси: асосий тушунча ва тамойиллар» фанининг ҳуқуқий асослари

Ушбу фаннинг ҳуқуқий асосларини Ўзбекистон Республикаси Биринчи Президентининг 2001 йил 18 январдаги «Миллий истиқлол ғояси: асосий тушунча ва тамойиллар» фани бўйича таълим дастурларини яратиш ва республика таълим тизимига жорий этиш тўғрисида»ги фармойиши ҳамда Олий ва ўрта махсус таълим вазирлиги томонидан тасдиқланган «Миллий истиқлол ғояси: асосий тушунча ва тамойиллар» фани ҳақидаги давлат таълим стандарти, ўқув дастури ва бошқа тегишли норматив-ҳуқуқий ҳужжатлар ташкил этади.

«Миллий истиқлол ғояси: асосий тушунча ва тамойиллар» фанининг объекти

• Фаннинг объекти – «инсон-жамият-давлат» тизимидаги ижтимоий муносабатлар, предмети эса улардаги манфаатлар уйғунлигидир.
• Миллий ғоя – мазмунан объектив, шаклан субъектив ҳодиса.
• «Миллий ғоя: асосий тушунча ва тамойиллар» фани ижтимоий муносабатлар тизимидан миллий манфаатларни излайди, уларнинг умуминсоний манфаатлар билан уйғунлигини ифодалайди