Муҳаммад ал-Хоразмий номидаги Тошкент ахборот технологиялари университети

«Давлат тизими уни бошқариш ва олиб борилаётган сиёсат аввало аниқ ва равшан ифодаланган мафкура асосига қурилмоғи лозим. Яъни, олдин давлат қурилиши ва ундан кейин мафкура пайдо бўлиши ўзи ғайритабиий ҳол. Буни яхши англаб олишимиз лозим. Яъни, олдин ғоя пайдо бўлади, ундан кейин ғоя асосида мафкура, мафкура асосида эса тизим, сиёсат пайдо бўлади!». Демак, аниқ, равшан ғоя ва мафкурасиз мустақилликка эришиш ва уни мустаҳкамлаш мумкин эмас.

Ғоя давлат, жамият ва инсон йўлини ёритиб борувчи нурга ўхшайди. Нурсиз, кўр одам зулматга дучор бўлганидек, ғоясиз давлат, жамият ҳам боши берк кўчага кириб қолади. Инсон танаси табиат қонунлари асосида яшайди, аммо унинг онги ғоясиз яратувчанлик қобилиятини йўқотади. Ҳар қандай мустақилликнинг маънавий пойдеворини ғоя ташкил этади. Шу сабабли, ғоя ва мафкура жамият ва давлат учун ҳаёт-мамот масаласидир. Жамият амал қиладиган ғоя қанчалик теран илмий билимларга асосланган бўлса, жамият мустаҳкам, давлат барқарор бўлади.

 

• Ғоя – нарса ва ҳодисалар ҳақидаги илмий билимлар тизими. Тизимлаштирилган илмий билимлар ғоянинг негизини ташкил этади. Бу эса билимларсиз ғоя мавжуд бўлмаслигини англатади. Ғояларнинг объектини инсон, табиат ва жамият ташкил этади.
• Миллий ғоя деганда маълум бир миллат ва давлатнинг ўзига хослиги ва унинг манфаатларини ифодаловчи ғоя тушунилади. Дунёда қанча миллат ва давлат бўлса, шунча миллий ғоя мавжуд. Мустақил яшашни истаган миллат учун биринчи навбатда миллий ғоя керак. Миллий ғоя мустақил ички ва ташқи сиёсатни, унинг ҳуқуқий асосларини белгилайди

• Миллий ғоя салкам уч минг йиллик мустақил ривожланиш йилларида ўзбек халқини буюк кашфиётлар ва ғалабалар сари етаклаб, халқимизнинг миллий ривожланиш ғоясига айланди.
• Бугун ўзбек халқининг миллий ғояси ҳуқуқий демократик давлат ва фуқаролик жамиятининг ривожланиш ғоясига айланиб, Ўзбекистон Республикасининг Конституцияси ва қонунларига сингдирилиб, амалиётга татбиқ этилмоқда.

Ўзбекистон Республикаси Конституциясининг 72-моддасида «Ўзбекистон Республикасида ижтимоий ҳаёт сиёсий институтлар, мафкуралар ва фикрларнинг хилма-хиллиги асосида ривожланади. Ҳеч қайси мафкура давлат мафкураси сифатида ўрнатилиши мумкин эмас», – деган концептуал қоида мустаҳкамлаб қўйилди. Шу сабабли, Ўзбекистонда коммунистик мафкуранинг якка ҳокимлигига барҳам берилиб, кўппартиявий сиёсий тизим вужудга келди.