Moodle тизимида электрон ўҚув курсларини яратиш

Пояснение модули курс саҳифасига бошқа ресурс ва 
курс элементларига ҳаволалар орасига матн ва мультимедиа қўйиш имконини 
беради. Пояснение модули анчагина универсал бўлиб, курснинг ташқи 
кўринишини яхшилаш имкониятига эга. Пояснение модули узоқ давом 
этадиган фаолият, мавзу ёки тасвир кўринишларини бўлимларга бўлишда, 
ташқи видео- ёки аудио-файлларини курс саҳифаларида кузатишда, курс 
бўлимларига қисқача тавсиф беришда қўлланилади.
Страница модули ўқитувчига матнли редактор ёрдамида 
веб-саҳифа ресурсини яратиш имконини беради. Страница модули матн, овоз, 
тасвир, видео, веб-ҳавола ва киритилган кодларни (масалан, Google Maps) ўзида 
акс эттира олади. 

---

40 
Страница модулини қўллашнинг Файл модулидан устунлик томони ресурсни 
киришга қулайроқ (масалан, мобил қурилмалардан фойдаланувчилар учун) ва 
осон янгиладиган кўринишга келтира олади. Ҳажми каттароқ ресурслар учун 
Страница модули ўрнига Книга модулини қўллаш тавсия этилади. 
Файл модули ўқитувчига олдиндан тайёрланган 
файлни курс ресурси сифатида тақдим этиш имконини беради. Агар 
фойдаланилаётган браузерда имконият бўлса, файл таркиби курс интерфейсида 
намойиш этилади, акс ҳолда талабага файлни кўчириб олиш таклиф этилади. 
Файл модули ёрдамчи файлларни қўшиш имкониятига эга, масалан, HTML-
саҳифалар тасвир ва флеш-объектлардан фойдалана олади. 
Шуни эътиборга олиш лозимки, ўрнатилган файлларни ўқий олишлари учун 
талабалар ўз компьютерларида керакли дастурий таъминотга эга бўлишлари 
зарур. 
Файл модули маълумотларни умум фойдаланиш учун намойиш этишда, мини-
сайтларни курс ресурси сифатида қўшишда, талабалар таҳрирлай олишлари ва 
баҳолаш учун тақдим эта олишлари учун маълум бир дастурий лойиҳалар 
файлларини (масалан, Photoshop учун .psd лойиҳа файлларини) намойиш 
этишда қўлланилади.
Юқорида санаб ўтилган электрон ўқув курслари элементларининг 
айримларидан фойдаланиш кетма-кетлигини қараб чиқайлик.