Moodle тизимида электрон ўҚув курсларини яратиш

Пакет SCORM ўқув объектлари учун белгиланган 
стандартларга мос равишда йиғилган файллар тўпламини ўзида акс эттиради. 
Бу модул курсга архивланган ҳолатдаги SCORM ёки AICC пакетларини қўшиш 
имкониятига эга. Таркиб одатда саҳифалараро навигацияга эга бўлган бир неча 
саҳифаларда акс этади. Намойиш этишнинг бир нечта вариантлари мавжуд: 
қалқиб чиқувчи ойна орқали, мундарижа орқали, навигация тугмачалари орқали 
ва ҳ.к. SCORM пакетида одатда саволлар жойлашган бўлади, жавобларга 
қўйиладиган баллар эса баҳолар журналида акс этади. SCORM модули 
мультимедияли ва анимацияли маълумотларни намойиш этишда, баҳолаш 
воситаси сифатида фойдаланилади.
Семинар модули талабалар ишларини жамлаш, кўриб 
чиқиш, шарҳлаш ва ўзаро баҳолаш имконини беради. Талабалар ўз ишларини 
ихтиёрий файл кўринишида, масалан, Word ҳужжати ёки электрон жадвал 
кўринишида, шунингдек, тизим таҳрирлагичи ёрдамида тўғридан-тўғри матн 
киритиш йўли билан тақдим этишлари мумкин. Материаллар ўқитувчи 
томонидан белгиланган бир неча критерияларни қўллаган ҳолда баҳоланади. 
Курсдошлар ишларини баҳолаш жараёни ва баҳолаш шаклини тушуниш 
ўқитувчи томонидан баҳолаш учун олдиндан тақдим этилган намуна 

---

37 
материаллари асосида амалга оширилади. Талабаларга ўз курсдошлари 
томонидан тақдим этилган бир ёки бир неча ишларни баҳолаш имкони 
берилади. Агар зарурат бўлса, тақдим этилаётган ишлар ва шархлар аноним 
тарзда қолиши мумкин. Талабалар семинар учун иккита баҳо оладилар – ўз 
ишлари учун ва курсдошлари ишига қўйган баллари учун. Иккала ҳолатда ҳам 
натижалар баҳолар журналига ёзилади. 
Электрон курснинг Тест элементи кўп танловли, тўғри/нотўғри, 
мосликни танлаш, қисқа жавоб, рақамли каби турли хил типдаги саволлардан 
ташкил топувчи тестлар яратиш имконини беради. Аралаштирилган саволлар, 
саволлар банкидан танланадиган тасодифий саволлар билан бир неча уринишли 
тестлар тузиш, тест саволларига жавоб беришда чегараланган вақт қўйиш 
мумкин. Эссе саволларидан бошқа ҳар бир уриниш автоматик тарзда 
баҳоланади ва баллар баҳолар журналига ёзилади. Йўл-йўриқ (подказка) бор 
йўқлиги, шарҳ ва тўғри жавоблар талабаларга қачон кўрсатилиши ўқитувчи 
томонидан танланади. Тестлар курс синовларида, ўқилган амалий ва назарий
маълумотлар охирида мини-тестлар сифатида, оралиқ назорат саволлари 
асосида якуний назоратларда, иш ҳақидаги тезкор изоҳга эга бўлишни 
таъминлаш мақсадида, ўз-ўзини баҳолаш мақсадида қўлланилиши мумкин.