Moodle тизимида электрон ўҚув курсларини яратиш

Форум модули фойдаланувчиларга маълум вақт давомида 
асинхрон режимда мулоқотда бўлиш имконини беради. Танлов учун бир неча 
форум типлари мавжуд, масалан, стандарт форумда ҳар бир иштирокчи 
ихтиёрий вақтда янги муҳокамаларни бошлаши ва иштирок этиши ёки савол-
жавоб форумида талаба бошқа талабаларнинг жавобларини кўришдан олдин 
хабарларга жавоб бериши мумкин бўлади. Ўқитувчи форумдаги хабарларга 
файлларни бириктиришга рухсат берган бўлса, бириктирилган тасвирлар форум 
хабарларида акс этади. Фойдаланувчилар форумдаги янги ёзувлар ҳақида хабар 
олишлари учун форумга аъзо бўлишлари зарур. Ўқитувчи қуйидаги форумга 
аъзо бўлиш режимларини ўрнатиши мумкин: ихтиёрий, мажбурий, автоматик 
тарздаги ёки аъзо бўлишни бутунлай тўхтатиб қўйиши ҳам мумкин. Зарурат 
бўлганида, аниқ вақт оралиғида талабаларга кўрсатилган миқдордан ортиқ 
хабар қолдиришни таъқиқлаб қўйиш имконияти ҳам мавжуд. 
Форумдаги хабарларга ўқитувчи томонидан ёки талабалар томонидан (тенг 
ҳуқуқли баҳолаш асосида) балл қўйиб борилиши мумкин. Йиғиб борилган 
якуний баллар баҳолар журналига ёзиб борилади. Форумлардан талабаларнинг 
бир-бирларини яқиндан билишлари учун мулоқотини таъминлаш мақсадида, 
(мажбурий аъзо қилинадиган янгиликлар форумида) курс эълонлари учун, курс 

---

38 
ёки ўқув материалларини муҳокама қилиб бориш мақсадида, курс модуллари 
ёки шахсий учрашувларда бошланган муҳокамаларни давом эттириш 
мақсадида, мулоқот майдонини ташкил қилишда фойдаланилади. 
Чат модули фойдаланувчиларга реал вақтда синхрон ёзма 
мулоқотда бўлиш имконини имконини беради. Чат бир маротабалик тадбир 
бўлиши ёки ҳар куни ё ҳар ҳафта белгиланган вақтда ташкил қилиниши 
мумкин. Чат-сессия сақланиши, барчага ёки баъзи фойдаланувчиларгагина 
кўринарли бўлиши ўқитувчи томонидан олдиндан белгиланади.
Чат, айниқса гуруҳ аъзоларининг бир-бири билан юзма-юз мулоқотда бўла 
олмаган вақт оралиғида, масалан, қуйидаги ҳолатларда фойдали бўлади: 
- Бир курс аъзоси бўлган ҳолда бошқа-бошқа жойда жойлашган 
талабаларнинг бир-бирлари билан тажриба алмашишлари учун мунтазам 
учрашувларини ташкил қилишда; 
- Талаба ўқитувчи билан вақтинча юзма-юз учраша олмаган ҳолатда; 
- Талабалар ўз ютуқларини бир-бири билан ёки ўқитувчи билан муҳокама 
қилишлари мақсадида виртуал йиғилганида; 
- Ижтимой тармоқ олами билан танишиш мақсадида уйда бўлган ҳолатда 
мулоқотга киришиш учун; 
- Таклиф қилинган маърузачи билан савол-жавоблар сессиясини ташкил 
қилиш мақсадида; 
- Ўқитувчи ёки бошқа талабалар томонидан бериладиган тахминий 
саволлар ёрдамида талабаларни тестга тайёрланишига ёрдам бериш 
мақсадида.