Moodle тизимида электрон ўҚув курсларини яратиш

База данных модули фойдаланувчиларга ёзувлар 
яратиш, уларни бошқариш ва қидириш имконини беради. Ёзувлар структураси 
ўқитувчи томонидан майдонлар сони орқали аниқланади. Майдон типларига 
бир танловли, кўп танловли, қалқиб чиқувчи, матнли, гиперматнли, тасвирли ва 
файл юкловчи каби майдон кўринишлари киради. Маълумотлар омборидаги 
ёзувларнинг кўриш ва таҳрирлаш жараёнидаги визуал намойиши маълумотлар 
омбори шаблонлари билан аниқланади. Маълумотлар омбори элементлари 
тизимдаги электрон курсларда ҳамкорликда ҳам ишлатилиши мумкин, 
ўқитувчи тайёр ёзувларни маълумотлар омборидан импорт қилиши ёки унга 
экспорт қилиш имконига эга.
Агар маълумотлар омборида автоматик боғловчи фильтрлар ёқилган бўлса, у 
ҳолда ихтиёрий ёзув электрон ўқув курсда учрайдиган бир хил ёзувдаги сўз ёки 
жумлалар билан автоматик боғланади. Ўқитувчи ёзувга изоҳ ёзилишига рухсат 
бериши, ёзувлар ўқитувчи ва талабалар томонидан баҳоланиши ҳам мумкин.
Маълумотлар омборини ҳамкорликдаги веб-ҳаволалар, китоблар, китобларга 
рецензиялар, журналларга ҳаволалар, библиографик рўйхатлар каби 
тўпламларда, талабалар томонидан яратилган яратилган суратлар, плакатлар, 
веб-сайтларга ўзаро изоҳларида қўллаш мумкин. 
Вики модули фойдаланувчиларга ўзаро боғланган веб-
саҳифалар тўпламини киритиш ва таҳрирлаш имконини беради. Вики умумий, 
яъни ҳамма уни таҳрирлай оладиган ёки индивидуаль, яъни фақат муаллиф 
томонидан таҳрирлаш имкони бўладиган кўринишда бўлиши мумкин. Вики 
маъруза ёки қўлланмаларга гуруҳ тарзида белгилаш киритиш, кафедра, 
факультет аъзоларининг умумий ишларини режалаштириш, талабаларнинг 
биргаликда маълумотномалар тайёрлаши каби ҳолатларда қўлланилади. 

---

35 
Глоссарий модули фойдаланувчилар томонидан лўғат 
кўринишидаги маълумотномаларни яратиш, ресурс ва маълумотларни 
тизимлаштириш имконини беради. Ўқитувчи глоссарий ёзувларига файлларни 
бириктиришга рухсат бериши ҳам мумкин. Бириктирилган тасвир ёзувларда акс 
этади. Ёзувлар алифбо тартиби бўйича, категориялар бўйича, сана ёки муаллиф 
номлари бўйича тартибланиши мумкин. Ёзувлар электрон ўқув курси 
саҳифасида тўғридан-тўғри акс этиши ёки ўқитувчи томонидан намойишга 
рухсат берилиши мумкин бўлади. Агар глоссарийда автоматик боғловчи 
фильтрлар ёқилган бўлса, у ҳолда ихтиёрий ёзув электрон ўқув курсда 
учрайдиган атамалар билан бир хил ёзувдаги сўз ёки жумлалар автоматик 
боғланади. Ўқитувчи ёзувга изоҳ ёзилишига рухсат бериши, ёзувлар ўқитувчи 
ва талабалар томонидан баҳоланиши, баллар эса баҳолар журналида 
бирлаштирилиши ҳам мумкин.