Moliyaviy hisob va hisobat

6.2- jadval
MChJda obyekt qurilishi bo‘yicha muomalalarning aks ettirilishi

T/r	Muomalalar mazmuni	Summa, ming so‘m	Debet	Kredit
1	Bank krediti olindi	30 000	5110	6810, 7810
2	Qurilish materiallari sotib olindi	30 000	1050 6010	6010 5110
3	Qurilishga materiallar hisobdan chiqarildi, qurilish muddati mobaynida amortizatsiya, ish haqi, yagona ijgimoiy to‘lov va boshqa xarajatlar hisoblandi	72 000	0810	1000, 6710, 6520, 0200
4	Qurilish davrida kreditdan foydalanganlik uchun foizlar har oyda hisoblandi va to‘landi	400 400	0810 6920	6920 5110
5	Ishlab chiqarish tsexini foydalanishga topshirildi	77 600	0120	0810
6	Qurilish tugallangandan so‘ng kreditdan foydalanganlik uchun foizlar har oyda hisoblanadi va to‘lanadi	400 400	9610 6920	6920 5110

Oldi-sotdi shartnomasi bo‘yicha bir taraf (sotuvchi) tovarni boshqa taraf (sotib oluvchi)ga mulk qilib topshirish majburiyatini, sotib oluvchi esa bu tovarni qabul qilish va uning uchun belgilangan pul summasi (bahosi)ni to‘lash majburiyatini oladi.

Kreditdan foydalanganlik uchun foizlarni to‘lashga doir xarajat­lar qarzga olingan sarmoya hisobidan butkul yoki qisman sotib olingan asosiy vositalarning boshlang‘ich qiymatiga kiritilmaydi.
Haq to‘lash yo‘li bilan xarid qilingan asosiy vositalarning boshlang‘ich qiymati shakllanishi va ularni buxgalteriya hisobida aks ettirish tartibini misolda ko‘rib o‘tamiz.
Misol. MChJ yetkazib beruvchiga montaj talab qiluvchi ishlab chiqarish uskunasini yetkazib berish uchun 18400 ming so‘m miqdorida 100 foiz bo‘nak o‘tkazdi. Ushbu uskunani yetkazib berish uchun transport tashkilotiga 1300ming so‘m to‘landi. Yetkazib beruvchidan olingan uskuna korxona omboriga kirim qilindi. Korxonaning yordamchi tsexi tomonidan amalga oshirilgan uskunani montaj qilish bo‘yicha xarajatlar 1400 ming so‘mni tashkil qildi.