"Молиявий менежмент" фанининг предмети, объекти

7.1-расм. Инвестицион фаолият бўйича пул маблағлари оқими


Молиявий фаолият бўйича пул оқимлари (7.2-расм) тадбиркорлик субъектининг қўшимча сармоя сифатида маблағ жалб қилишини, узоқ ва қисқа муддатли кредитлар ва қарзларни жалб қилишни, пул кўринишида дивиденд бериш ва корхона фаолиятини ташқи маблағлар билан молиялаштиришни ўз ичига олади.

7.2-расм. Молиявий фаолият бўйича пул маблағлари оқими


3-савол баёни. Ҳар кандай корхонанинг иқтисодий ривожланиши ва молиявий мустаҳкамлигини таъминлаш, зарурий пул оқимлари билан таъминлангандагина муваффақиятли амалга оширилиши мумкин. Шунинг учун ҳам корхоналар молиясини самарали ташкил этишнинг асосий йуналишларидан бири бу, пул оқимларидан окилона фойдаланиш ва уларни молиялаштириш манбаларини оптималлаштириш ҳисобланади.
Корхоналарда пул оқимларини бошқаришни такомиллаштиришнинг асосий йуналишлари қуйидагилардан иборат:

1. 
   Пул маблағларидан оқилона фойдаланиш ва бошқаришнинг назарий ва амалий билимларни такомиллаштириш ва бу борадаги хорижий давлатлар амалиётини кенг ўрганиш.
   
2. 
   Пул оқимларини ташкил этувчи ҳар бир элементни самарали ва аниқ бошқариш.
   
3. 
   Пул оқимларини самарали бошқариш жараёнига таъсир этувчи омилларни олдиндан аниқлаш ва уларни олдини олиш чора-тадбирларини ишлаб чикиш.
   
4. 
   Корхоналарда корпоратив бошқарув тизимини такомиллаштириш, бу борадаги билим ва тажрибаларимизни ошириш, чет эл корпоратив бошқариш услубиятларидан кенг фойдаланиш.
   
5. 
   Пул маблағларини корхона барқарор молиявий манбалари ҳисобидан тўлдириш.
   
6. 
   Меҳнат ва табиий ресурсларини тенг тақсимланмаганлигини эътиборга олиб, улардан самарали ва тежаб фойдаланиш ҳисобига маҳсулот таннархини пасайтириш. Маҳсулотларни сотиш ва ўзаро ҳисоб-китоб муддатларини қисқартириш.
   
7. 
   Пул оқимлари айланиш тезлиги (7.3-расм)ни оширишга эришиш чора-тадбирларини ишлаб чиқиш.