Молиявий ҳисоб 1 Ўқув қўлланма

Хизматларнинг сотилишига олиб бориладиган бевосита харажатлар. Хизматлар сотилишига олиб бориладиган бевосита харажатларни қуйидагича туркумлаш мумкин:

• 
  Бошланғич бевосита харажатлар - бу хизматлар кўрсатиш бўйича музокаралар ва операцияларини амалга ошириш билан бевосита боғлиқ харажатлардир. Бундай харажатлар комиссия тўловлари, юридик хизматлар гонорарлари, савдо агентларига комиссиия тўловлардан ташқари компенсация тўловлари, сотишда иштирок этмайдиган, музокаралар олиб боришда ва хизмат кўрсатиш операцияларини амалга оширишга тегишли ҳодимларга компенсация тўловларини ўз ичига олади.
  
• 
  Қўшимча бевосита харажатар - бу хизматларни сотиш билан боғлиқ харажатлардир. Масалан, эхтиёт қисмлар қиймати, шунингдек хизмат кўрсатиш шартномасига киритилмаган хизматлар бўйича меҳнат қиймати.
  

Барча бевосита харажатларни хизмат кўрсатишдан олинган тегишли даромад, даромадлар ва харажатларнинг мувофиқлик тамойилига мувофиқ тан олинадиган давр учун харажатлар деб тан олиш керак. Шундай килиб, бошланғич тўғри харажатлар ва хизматларни бажаришдан олинган даромадни тан олишгача вужудга келадиган ҳар қандай қўшимча тўғри харажатлар олдиндан тўлов сифатида муддати ўзайтирилиши ва хизматлардан олинган тегишли даромад тан олинаётганда харажатлар деб ҳисобланиши зарур.
Агар хизматлар кўрсатишдан олинган даромад мутаносиб бажариш усулига мувофиқ тан олинаётган бўлса, бошланғич тўғри харажатлар бу хизматларга тегишли даромадлар тан олинаётган вақтда харажатлар деб ҳисобланиши керак. Бироқ, қўшимча тўғри харажатлар улар вужудга келганда харажатлар деб ҳисобланиши керак. Агар хизматлардан олинадиган даромад инкассация қилиш усули бўйича тан олинса, барча бевосита харажатлар улар вужудга келганда харажатлар деб ҳисобланади.
Маҳсулот ёки хизматлар сотилиши билан бевосита боғлиқ бўлмаган харажатлар ўз ичига давр харажатлари каби тақсимланган харажатларни ҳам олади. Масалан, реклама харажатларини муайян турлари, тугалланмаган маҳсулот ёки хизматлар бўйича битимларда белгиланган сарфланган вақт учун товон тўловлари, умумий маъмурий харажатлар ва амортизация. Давр харажатларини даромадлар билан мувофиқлаштириш учун объектив асос мавжуд бўлмаганлиги туфайли ушбу харажатлар пайдо бўлганида сарфларга киритиладиган харажатлар каби таърифланади. Шунга ўхшаш тақсимланган харажатлар даврлар бўйича бир меъёрда тақсимланиши керак.