Мирзо Улуғбек номидаги Ўзбекистон Миллий Университети тамондан Олий таълим муассасаларида тадбирларни ташкил этиш шакллари уларнинг мазмунини бойитиш бўйича ҳамда жамоат ташкилотлари

Улар нима қилган?
ИШИД таркибида ҳарбий ҳаракатларга жалб қилинган ёш – норасида болалар ўлдириш машқини бевосита маҳбус – асирларда бажаради – уларни ўлдиради. Аҳли сунна эътиқодига мувофиқ жиҳод фарзи кифоя ҳисобланиб, фақат қурол кўтариб, таҳдид солган душман – кофиргагина қарши курашишга буюрилади. Ушбу масалага бағишланган ҳанафийликка оид мўътабар манбаларда вояга етмаган ёш болалар, аёллар, ногиронлар, ақли норасолар ва отаси ҳатто қурол кўтариб, ҳамла қилган ҳолатда ҳам, ўлдирилмаслиги таъкидланади. Энг муҳими, урушга аёллар ва болаларни жалб қилиш мумкин эмас. ИШИД жангарилари эса буларнинг барчасининг аксини қилмоқда.
Жангарилар қўлида минглаб «ғайриэътиқод» вакиллари ҳалок бўлди, юз минглаб тинч аҳоли юртидан қочишга мажбур бўлди. Кўплаб аёллар ва болалар уларнинг асирига айланиб, террористларнинг лагерларида сақланмоқда.
ИШИД 2013 йил Суриядаги Башар Асад режимига қарши ҳукуматга қарши кучлар таркибида курашга кириб, шафқатсизлиги билан алоҳида ажралиб турди. 2014 йил июнда ИШИД аъзоси Абу Туроб Муқаддасий Маккадаги Каъба вайрон қилинишини эълон қилди: “Аллоҳ изни билан шайхимиз Бағдодий раҳбарлигида Каъбани вайрон қиламиз ҳамда Макканинг тошларига сиғинаётганларни ўлдирамиз. Одамлар Маккага Аллоҳ учун эмас, балки тошларни тавоф қилиш учунгина боради”.
2015 йил 18 февраль куни БМТнинг Ироқдаги вакили Муҳаммад Ҳаким “Ислом давлати” инсонларни уларнинг ички аъзолари учун ўлдираётганини эълон қилди. Унинг сўзларига қараганда, қурбонларнинг оммавий қабрларида хирургик операциялар изи кўриниб турган жасадларга дуч келинган. Бу жасадларда буйрак ва бошқа ички аъзолар йўқ – улар олиб ташланган. Шунингдек, у Мосулда бир неча ўнлаб врачларни сотиш учун инсон аъзоларини операция йўли билан олишдан бош тортгани учун ўлдиришган.
2015 йилнинг мартида эълон қилинган БМТнинг маърузасида шундай дейилган: “Вужудга келган “Ислом давлати” тўдаси Ироқдаги бирор элатга шафқат қилмади. Язидийлар, христианлар, туркманлар, саби-мандейлар, курдлар, шиалар ва бошқа элат вакиллари, шунингдек, суннийлар ҳам бундай зўравонлик қурбонларига айланди. Биз Ироқда бой этник ва диний қадриятларнинг йўқ бўлиб кетаётганига гувоҳ бўлиб турибмиз”.
2015 йил февраль ойида Мосул шаҳри марказий кутубхонаси портлатилиб, 10000 га яқин китоб йўқ қилинди. Жангарилар қўлёзмалардан гулхан ҳосил қилишди. Мосул шаҳар музейи экспонатларини йўқ қилишди. Тарихдан маълумки, халқни маънавиятидан, тарихидан айириш уни қулликка маҳкум қилишнинг бир усулидир.