Мирзо Улуғбек номидаги Ўзбекистон Миллий Университети тамондан Олий таълим муассасаларида тадбирларни ташкил этиш шакллари уларнинг мазмунини бойитиш бўйича ҳамда жамоат ташкилотлари

МАФКУРАВИЙ ИММУНИТЕТНИ ШАКЛЛАНТИРИШ


Мафкуравий иммунитетни шакллантиришда ютуқлардан фойдаланиш керакми ёки бизга тўсиқ бўлаётган, ватан равнақи, халқ фаровонлигига халақит бераётган муаммолардан ҳам фойдаланиш мумкинми?
Мафкуравий иммунитет нафақат ижобий, балки салбий фактлар, нафақат ютуқлар, балки муаммоларни тушунтириш орқали ҳам шакллантирилади. Чунки аҳоли, айниқса ёшларни мустақил Ўзбекистон эришган ютуқларидан ифтихор қанчалик бирлаштирса, Ватанимиз олдида турган муаммолар, уларни ечиш заруратини ҳар хил англаш, билиш ҳам шунча бирлаштиради. Тажрибали маслаҳатчилар, тарғиботчилар, педагоглар буюк келажакни қуриш – бирданига бўлиб қолмайди, бунда муаммо, қийинчиликлар учраши ҳам қонунийлигини, чунки уларнинг ҳал қилиниши - ривожланиш манбаи эканлигини тушунтирадилар. Бунда янада тезроқ ривожланишимизга олға қараб бориш ҳал қилинмаган муаммоларни кўрсатиб берадилар. Бу билан ҳар бир фуқаронинг миллат, Ватан, Буюк келажагимиз олдидаги шахсий масъулиятини пайдо қиладилар.


Бузғунчи мафкуралар қандай усуллардан фойдаланишади?
Тарғиботнинг ғоят маккор усулларидан. Яъни:
- онгни ишғол қилиш;
- қўрқув туйғусини уйғотиш;
- кўпминглик митинглар уюштириш;
- катта ваъдалар бериб, кескин гапириш;
- Катта ёлғондан тезкор дезинформация учун фойдаланиш;
- янги аудитория билан самимийлик ва холисликка ваъдалар бериб алоқа ўрнатиш;
- «Ҳамдард» сифатида «тор давралар учун» ёлғон тарқатиш;
- чет эл разведкасига ёлғон маълумотлар бериш;
- ўз халқини алдаш;
- ўзлари ўйнаётган ролнинг асл моҳиятини билмайдиган агентлардан фойдаланиш;
- дезинформация манбаини ниқоблаш («Қора радиостанциялар»);
- рақиб томонининг радиотўлқинларига чиқиш;
- варақалар тарқатиш;
- кўча-кўйдаги «беғараз» мулоқотларда афсона ва миш-мишлар тарқатиш (Эшитдингизми?, қабилида);
- ёлғон башоратларни тарқатиш;
- рақиб томонни қўрқувга солувчи хабарлар тарқатиш;
- ёлғон маълумотни рост маълумот билан бирга бериб, ишонарли қилиш;
- воқеалар, ҳодисалар аналогиясини қўллаш;
- фолбинлик, башоратчилик;
- фактларни ўзгача, ёлғон мазмун бериб талқин қилиш;
- ясалган, тўқилган «факт»лар орқали ўзини оқлаб, рақибини қоралаш;
- «фактлар»ни муттасил такрорлаб туриш;
- блеф - тўқилган фактлар билан қўрқитиш;
- «breaking the news » - бирор яхши ёки ёмон ҳодиса олдидан
маълумот тарқатиш;
- ёлғон раддиялар ишлатиш;
- қалбаки ҳужжатларни «ўғирлатиш»;
- қалбаки иқтибослар;
- манбага қалбаки ёндашиш ва ҳ.к.

“Мафкуравий профилактика” ибораси нимани англатади?

Мафкуравий профилактика – ижтимоий институтлар томонидан амалга ошириладиган турли шакллардаги ғоявий-тарбиявий, маънавий-мафкуравий ишлар мажмуи бўлиб, у бутун ғоявий тарбия тизимини қамраб олади. Мафкуравий профилактика ғоявий бўшлиқни тугатиш, мафкуравий парокандаликни олдини олиш ёки бирор-бир ҳудуд, қатлам, гуруҳни ёт ва зарарли ғоялар таъсиридан халос қилиш мақсадида амалга оширилади. Бунда ғоявий таъсирнинг хилма-хил усул ва йўлларидан фойдаланилади, турли воситалар қўлланилади.