Мирзо Улуғбек номидаги Ўзбекистон Миллий Университети тамондан Олий таълим муассасаларида тадбирларни ташкил этиш шакллари уларнинг мазмунини бойитиш бўйича ҳамда жамоат ташкилотлари

Ўзбекистонда фаолият кўрсатувчи диний ташкилотлар
Мустақиллик йилларида Ўзбекистонда диний ташкилотларнинг сони ўсди. 1990 йилда республикада 119 та диний ташкилот, 2 та диний ўқув юрти мавжуд бўлган бўлса, 2016 йилга келиб ислом ва бошқа диний ташкилотлар сони 2238 тага етди. Ҳаж ва умра зиёратига борувчилар сони 1991 йилда 350 кишини ташкил этган бўлса, 2016 йилга келиб уларнинг умумий сони 11372 тани ташкил этди. Шунингдек мамлакатимизда истиқомат қилаётган барча динлар вакилларига эмин-эркин ибодат қилишлари учун ҳамма шароитлар яратилган.
Ўтган йиллар давомида диний ўқув юртларининг иши ҳам ривожлантирилди. Мустақилликкача бор-йўғи 2 та диний ўқув юрти ишлаган бўлса, бугун уларнинг сони 13 тага етди.
Ўзбекистон Республикаси Президентининг №875-сонли қарори билан 2008 йил Самарқанд вилоятининг Пайариқ тумани ҳудудида Имом Бухорий халқаро марказининг ташкил этилгани эса диний ходимларнинг диний ва дунёвий билимларини оширишга қаратилган муҳим қадам бўлди, дейиш мумкин.


Ишид – вайронкор тўда
Ўзини мўмин атаб, ақидасини ўзгаларга мажбуран сингдиришга бўлган интилиш илк бора хорижийларда кузатилган бўлса, улар “анъана”сини азрақийлар¹⁹, қирмитийлар²⁰ ва муътазилийлар²¹ давом эттирди: улар мусулмонларни ўлдирди, ислом ақидасини ичдан емирди, нотўғри – ботил қарашларини бошқаларга куч билан қабул қилдиришга интилди.
Бу тоифалар яратган қоидалар изсиз кетмади: улар асрлар оша яшаб келмоқда. Вайронкор кўринишда. Инсоният таназзулига хизмат қилмоқда.
Бу қарашлар бизнинг давримизга келиб, ҳизбу-т-таҳрир, ал-қоида, “Ироқ ва Шом ислом давлати” сингари тўдалар ғояларида, улар амалга ошираётган терактлар, қўпорувчилик ишларида янгича кўринишда яшамоқда.
ИШИД (“Ироқ ва Шом ислом давлати”) – халқаро ислом террористик ташкилоти. ИШИД 2006 йил 15 октябрда Ироқда ал-қоиданинг маҳаллий гуруҳи бошчилигида 11 та радикал сунний гуруҳларнинг бирлашувидан ташкил топган “Ироқ Ислом Давлати”нинг меросхўридир. Улар ҳокимиятни қурол кучи билан қўлга киритди.
Ўзларига Абу Бакр Бағдодийни раҳбар – “халифа” этиб сайлашган.
Штаб-квартираси Ракка, Сурия, Мосул шаҳрида жойлашган.
Бу гуруҳ Сурия ва Ироқдаги фуқаролар уруши, Ливан ва Синайдаги қуролли ихтилофлар, Шимолий Кавказ ва Ямандаги террорчилик ҳаракатлари, Афғонистондаги урушда фаол иштирок этган. Кўриниб турганидек, ИШИД ўрта асрлар экстремистик оқимлари сингари вайронкор ғояларни илгари сурмоқда ва ҳатто шафқатсизлик, ўзга миллат ва дин вакилларига нисбатан муросасизликда улардан-да ўтаётир. Айниқса, ўз ватандошлари, миллатдошларини ҳам мақсадлари йўлида қурбон қилишдан қайтмаётгани бу тўданинг асл башарасини кўрсатмоқда.