«Milliy istiqlol g`oyasi asosida boshlang`ich sinf o`quvchilarida vatanga e`tiqodni tarbiyalash». Mundarija

Odobnoma darsida:

«Ona-Vatan-sajdagoh kabi muqaddas» bo`limi yuzasidan takrorlash

darsi (noan`anaviy dars)

Darsning maqsadi: o`quvchilarning bo`lim yuzasidan olgan bilimlarini mustaxkamlash, ularda Vatanga e`tiqod, sadoqat, muxabbat xissini tarbiyalash bilan birgalikda birdamlik, Vatan sha`nini himoya qilish, topqirlik hamda bilim olishga nisbatan qiziqishni o`stirish kabi xislatlarni tarbiyalash.

Darsning tipi: bilimlarni мустаҳкамлаш дарси

Darsning metodi: savol-javob, hikoya, suhbat.

Darsning jihozi: test, krassvordlar

Darsning borishi: xalq rolini sinfdagi barcha bolalar ijro etishadi. Sinfga uyinchoq ot mingan jarchi bola kirib keladi.

Jarchi: Aziz fuqarolar, diqqat qiling, podshoximiz tashrif buyurmoqdalar, ularga bugun sizning yordamingiz kerak. Xaloyiq, podshoximizni qarshi oling.

Xaloyiq: Dono shoximiz kelmoqdalar, ulardan yordamimizni ayamaymiz.

Davraga podshox kirib keladi.

Shox: Salom aziz fuqarolarim. Sizlarni ko`rishdan juda xursadman. Vatanimiz boshiga jodugar yolmog`iz qora kunlarni solmoqchi, u mening go`zal qizim «O`zbekoy»ni asir olib, yurtimizni esa changalzorga aylantirmoqchi. Uni yengishga mening kuchim ojizlik qiladi. U sizlarning Vataningizga nisbatan sadoqatingizni, bilimu-irodangizni sinash bilan birgalikda, Vataningizni qanchalar ardoqlashingizni tekshirib ko`rmoqchi.

Biz uni yengish uchun uning ba`zi bir savollariga javob berishimiz shart. Shu sababdan sizlardan yordam surab keldim. Umid qilamanki, sizlar mendan o`z yordamingizni ayamaysiz. Biz birgalikda albatta ularni yengamiz, yovuz niyatlarini amalga oshishiga yo`l qo`ymaymiz.

Sinfda shamolning uvillashiga o`xshash ovoz eshitiladi. Sinfda isqirt kiyimda yolmog`iz kampir hamtovoqlari: sehrgar mushuk, ayyor tulki bilan birgalikda paydo bo`ladi.