Микрои=тисодий статистиканинг объекти, услуби ва вазифалари

III-bob. TAShISh STATISTIKASI. Yuk tashish statistikasi
3.1. Yuk tashish statistikasi, uning mazmuni va vazifasi

Yuk tashish statistikasi temir yo‘l transporti statistikasining, asosiy bo‘limlaridan biri. Yuk tashish statistikasi temir yo‘l transportining asosiy vazifasi, ya’ni yuk, yo‘lovchi, qo‘l yuki tashishni o‘rganadi.Tashish statistikasining ma’lumotlari ishlab chiqarishni mamlakat miqyosida joylashtirish, temir yo‘l transportidan foydalanish va tashishini tashkil etish maslalarini yechish uchun keng qo‘llaniladi, uning boshqaruv tashkilotlari uchun tezkor-taqsimlash vositasi bo‘lib xizmat qiladi. Ular temir yo‘l transportining, yuk va yo‘lovchi tashish umumiy hajmidagi, salmog‘ini tavsiflashga imkon yaratadi.

Yuk tashish statistikasining vazifasi. Tashish to‘g‘risidagi statistik ma’lumotlarning vazifalari turlicha bo‘lganligi sabab, ular quyidagi ikki guruhda ifodalanadi:
a) yuk tashish statistikasining mamlakat iqtisodiyoti oldidagi vazifasi quyidagilarni tavsiflashdan iborat:temir yo‘l transporti mahsuloti va yuk tashish hajmini, umumiy transportning bir bo‘lagi tarzda,tavsiflash; mamlakat iqtisodiyotining asosiy mahsulotlari bo‘yicha tuman va hududlar-ro aloqani tavsiflash;aholining harakatchanlik darajasini, mamlakat, uning alohidagi hudud va tashish sifati hamda iqtisodiyot tarmoqlari va aholi etiyojini qondirish darajasini ta’minlovchi ko‘rsatkichlar tizimini ishlab chiqish;
b) yuk tashish statistikasining tarmoq, ya’ni temir yo‘l transporti oldidagi vazifasi quyidagilardan iborat: yuk jo‘natuvchilarning, tashishga bo‘lgan ehtiyojini qondirish darajasini baholash va tahlil qilish uchun asos sifatida,tashish hajmi va tarkibini tavsiflash;ilmiy bashoratlash uchun tashish rivoji qonuniyatini o‘rganish; noratsional tashishni aniqlash; temir yo‘ldagi tashish sifati darajasini tavsiflab beruvchi ko‘rsatkichlar tizimini ishlab chiqish.