Mikrobiologiyada laboratoriya mashg’ulotlari

Moy  kislota  bakteriyalarining  elektiv  kulturasini  tekshirish. 
Termostatdagi  kartoshka  to'g'rab  solingan  probirkada  va  kolbadagi 
no'xat bulonida moy kislota hosil bo'ladi. Moy kislota hosil bo'lganini 
gaz  ajralib  chiqqanida  bilamiz.  Probirkadagi  va  kolbadagi  bijg'igan 
suyuqlikdan "ezilgan" tomchi usuli bilan tayyorlangan preparatda dug 
yoki  "klostridiy"  shaklidagi  hamda  baraban  tayoqchasi  yoki 
"plektiridiy"  shaklidagi  yirik  harakatchan  sporali  tayoqchalar 
ko'rinadi. Bular moy kislota bakteriyalardir. Ularda zapas oziq  modda 
granulyoza bor. Bu modda kraxmalga o'xshaydi. 
Granulyozani aniqlamoq uchun bijg'iyotgan suyuqlikdan buyum 
oynasiga bir tomchi tomizib, Lyugol eritmasidan bir tomchi qo'shiladi 
va qoplag'ich oyna yopiladi. Moy kislota bakteriyalari hujayralarining 
protoplazmasidagi  granulyoza  yod  ta'sirida  to'q  ko'k  tusga  kiradi  va 
butun  tayoqcha  ko'k  bo'lib  ko'rinadi,  sporasi  esa  tayoqchaning 
o'rtasida yoki bir uchida rangsiz bo'lib turadi.  
Bijg'iyotgan  suyuqlikdagi  moy  kislotani  aniqlash.  Probirkaga 
bijg'iyotgan  suyuqlikdan  5  ml  va  5  foizli  temir  III  xloriddan  2  ml 
quyiladi.  Suyuqlik  qizitilganda  moy  kislotaning  temirli  tuzi  hosil 
bo'lishi tufayli jigar rang tusga kiradi.