Microsoft Word togaymurod otamdan qolgan dalalar lotin ziyouz com doc

 
21
Otamiz ana shunda gap indallosidan oladi: 
— Chanishev! — deydi. — O‘zi, meni qayoqqa olib ketayapsan? 
— Yurchiga. 
— Undan keyin-chi? 
— Toshkanga. 
— Toshkandan keyin-chi? 
— O‘rusiyaga. 
— O‘rusiyaga olib borib nima qilasan? 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
24
— O‘rusiyada sud bo‘lasan. 
— Chanishev! Sud-bud, deb o‘tirma-da, jigiti gapni ayt: Sho‘ro hukumati meni nima yuiladi? 
— Nima qilardi, sud kesadi. 
— Nimani kesadi? 
— Kallangni kesadi! 
Otamiz Chaiishev gapidan rozi bo‘ladi. 
«Jigiti gap bo‘ldi, — deya o‘ylaydi. — Bo‘lmasa o‘z oyog‘i bilan qassobxonaga borajak molday 
bo‘p ketaberar edim». 
— Chanishev! — deydi otamiz. — Xudodan-da o‘tdi, bandadan-da o‘tdi. 
— O‘tdi, Aqrab qo‘rboshi, bari o‘tdi 
— Xudo bilibmi-bilmaymi, sen o‘rislarni yurtimizga haydab keldi... 
— Bari o‘tdi-ketdi, Aqrab qo‘rboshi. Endi biz senga to‘ng‘ich aka bo‘lamiz. Sen esa bizga kenja 
uka bo‘lasan. 
— Xudo bilibmi-bilmaymi, biz musulmonlar qo‘liga miltiq berdi. O‘rislarni ot, dedi. 
— Bari o‘tdi, Aqrab qo‘rboshi, biz aka-uka bo‘lamiz. 
— Aka-uka bo‘lasan? Chanishev! O‘zi, kofir o‘z oti bilan kofir ekan-da! Musulmon bilan kofir 
qachon aka-uka bo‘lib edi-da, endi bo‘ladi? 
— Bo‘ladi, mana biz bo‘lamiz. Sharqda yaxshi-yaxshi sharqona urf-odatlar bor. Masalan, Sharqda 
kichiklar kattalarga itoat etadi. Shunday ekan, sen bizga itoat etasan. 
— Chanishev! O‘lsam o‘laman — lekin sen o‘rislarga uka bo‘lmayman! 
— Bo‘lasan, shunday kun keladi, bo‘lasan. Akayam gapmi, hali Leninni otam deysan. Krupskayani 
onam deysan. 
— Chanishev! O‘lsam o‘laman — lekin sen o‘rislarni akam demayman! 
— Deysan, shunday kun keladi, deysan. Deyish ham gapmi, hali kallai saharlab assalom, katta 
akam, deya ashula aytib salom berasan. 
— Musulmon bilan kofir bu dunyo tugul, u dunyoda-da el bo‘lmaydi. Boisi, musulmon mozorga 
kofirni ko‘mib bo‘lmaydi, kofir mozorga musulmonni ko‘mib bo‘lmaydi. Shunday ekan, musulmon 
bilan kofir u dunyoda-da aka-uka bo‘la olmaydi. 
— Bo‘ladi, o‘rtoq Lenin g‘oyalari shunday, bo‘ladi. 
— Unda, o‘sha Lenining qushmiya odam ekan! 
— O‘rtoq Leninga tilingii tekkizma, tuzemets!