Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
26
23
Otamiz tilamish talak bajo bo‘ladi. Qizillar shahid otamizni bug‘doyzorda tashlab ketadi. 
 
24
El-yurt otamiz qoni to‘kilmish tuproqni devor bilan o‘rab oladi. 
El-yurt otamiz jon bermish tuproq uzra oppoq yalov qadab oladi. 
El-yurt Aqrab shahid poyidan o‘ta-o‘ta bir oyoq ilib oladi. 
El-yurt Aqrab shahid uchun fotiha o‘qib-o‘qib oladi. 
 
 
UChINCHI BOB
 
1
Tong saharlab ko‘chalayman. 
Shaxdam-shaxdam qadamlayman. 
«Yur, tuzemets, yur!» 
Qo‘llarimni uzatib-uzatib qadamlayman. 
«O‘chir, churka, o‘chir!» 
Miltiq peshlab-miltiq peshlab qadamlayman. 
Shunda, peshonamdan bir soya kela beradi. 
— Eb-ey, eb-ey, Dehqonqul? — deydi soya. — Ay, Dehqonqulmisan? 
Miltiq o‘qtalib-o‘qtalib bora beraman. 
«O‘chir, tuzemets, o‘chir! — deyman. — Sen — mocha churka! Yurting — Churkiston! 
Soya qimir etmay qoladi. 
Shu mahal onamiz ketimdan qanday doxil bo‘ladi — bilmay qolaman. Ketimdan qanday 
quchoqlab oladi — bilmay qolaman. 
Qoshimda qotmish soya ko‘ksiga tupura-tupura kalima qaytaradi. 
— Ay, Bolxin hamsoya, — deydi soya. — Shuginangiz bir baloga yo‘liqqan-ov. Uljon folchiga fol 
ochirib kelsangiz bo‘lardi. 
— Folchi nimayam derdi, Xoldon hamsoya. 
— Folchi aytadi-da, Bolxin hamsoya, folchi aytadi. 
— O‘zi — bo‘lgan-bo‘ldigi shul, xolasi. 
— Bo‘lgan-bo‘ldigi shul, bo‘lgan-bo‘ldigi shul! O‘takamni yorib yuborayin, dedi! Bovujud, 
bo‘yimda yo‘q — bo‘yimdan tushirardi-qo‘yardi! 
— Bolada ne ayb, xolasi. Bovasi shunday edi, otasi shunday edi, bolasi-da shunday bo‘ladi-da. 
2
Direktorimiz barchamizni ulkan sinfxonaga soladi. 
— Maylis bo‘ladi! — deydi. 
Sinfxona liq to‘ladi. Tik turish uchun joy qolmaydi. 
Direktorimiz eshikni ichkaridan qulflab joriya etadi: 
— O‘rtoqlar, beshinchi sinfdan boshlab barcha paxta frontiga safarbar etiladi! 
O‘ynab qo‘yay, beshinchidan, o‘ynab qo‘yay, deyman! To‘rtinchidan beshinchiga ko‘chganlarimga 
pushaymon bo‘laman. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
27
Uninchi sinf gap qaytaradi: 
— O‘qish nima bo‘ladi, domla, o‘qish nima bo‘ladi? 
Direktorimiz shahodat barmog‘ini shipga nishlaydi. Tantanavor-tantanavor nishlaydi. 
— Paxtazor — daftaring bo‘ladi, g‘o‘zalar husni-xating bo‘ladi! — deydi. 
Muallimlarimiz uyma-uy yuradi. Kiyim-boshlarimiz bilan ko‘rpa-to‘shaklarimizni oldirib keladi. 
Men onamiz berib yubormish bo‘xchani olib qarayman: bo‘xchada ikkita ko‘rpacha bo‘ladi. Ikkita 
non bo‘ladi. Mayiz bo‘ladi, to‘rtta moyak bo‘ladi. 
Men moyaklarni archib-archib yeb olaman.