Microsoft Word togaymurod otamdan qolgan dalalar lotin ziyouz com doc

25 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
154
...Men cholvorimni tortib-tortib tugmaladim. Men tuvakdan bir qadam oldin bosib turdim. 
— Bo‘ldi! Ana endi qaray beringlar! — dedim. «Sadist» bilan «Sokol» tag‘in qo‘ltiqlarimdan 
kirdi. Tizzalarimdan olib tosh o‘tirg‘izdi. 
Ajabdan bir «Sadist» qaradim, bir «Sokol» qaradim. 
— Nima qilayapsizlar? Men o‘tirib bo‘ldim! — dedim. 
— Endi... tamaddi etamiz! 
— Qani, palov yegich qo‘lingni ber, qani. «Sadist» o‘ng qo‘limni oldi. Tuvak olib bordi. 
Kaftimni... tezagim bosdi. 
— Ay, nima qilayapsizlar, ay!.. 
— Seni tamaddi ettiramiz. 
— Bechoragina, holdan toyib qolding. 
— Bari tomoqdan-da, tomoqdan. 
— Qani, oshamlab-oshamlab ol, qani. 
— Ay, u tezak, u tezak!.. — deya, tipir-tipir etdim. 
— Nima farqi bor? — dedi «Sadist». —Atala oldin qozonda edi. Qozondan kosaga o‘tdi. Kosadan 
qorningga o‘tdi. Qorningdan tuvakka o‘tdi. Mana endi... tag‘in qorningga o‘tadi! O‘sha-o‘sha atala! 
— Chin, u teshikdan kiradi — bu teshikdan chiqadi! — dedi «Sokol». 
— Ha-da, farqi yo‘q! Farqi — bir teshik yuqorida, bir teshik quyida!.. — dedi «Sadist». 
— Qani, katta-katta ol, qani! 
Men barmoqlarimni yummadim. Men barmoqlarimni tik tutdim. 
— O‘ldir! — dedim. —Mayli, o‘ldir!.. 
— Yo‘q, biz seni o‘ldirmaymiz. 
— Biz seni tamaddi ettiramiz, tamaddi. Joyimdan turayin, deya talpindim. Tuvak oyoq tirab 
kuchandim. 
Men «Sadist» bilan «Sokol»ga kuch bermadim. 
Shunda, «Sokol» chuydamdan bosdi. 
Men shunda-da kuch bermadim! 
Endi, «Sadist» bo‘ynimni chatanoqlari orasi olib-olib bo‘g‘di. Kekirdagimga boshmaldoq bosib-
bosib bo‘g‘di... 
Men og‘zimni kappa-kappa ochdim. Hir-hir etdim. 
«Sokol» qo‘lro‘mol bilan tezak oldi. Misoli palov oshatmishdayin-palov oshatmishdayin og‘zim 
soldi. 
Men yutinmadim— tezagimnn og‘zimda ushlab turdim. 
«Sadist» boshimni chayqab-chayqab oldi. «Sadist» boshimni siltab-siltab oldi. 
Men shunda-da yutinmadim! 
«Sokol» ichimga sozlab-sozlab ko‘rmusht urdi! 
Ichim shilq etdi! 
Ichim tortdi—tezagimni tortib oldi... 
— Osh bo‘lsin! — dedi «Sadist». 
— Osh bo‘lsin! — dedi «Sokol». 
— O‘qchiyapti... tuyilib qoldi-yov! 
— Tuyilib qolsa... to‘qson besh choy ichiramiz-da! «Sadist» tuvakdan bir hovuch siydik oldi. 
Og‘zimdan siydik quydi... 
— Osh bo‘lsin! 
26 
— Bir yildan oshdi! — dedi Ivan Ivanovich. — Afrika ola eshagiday oyoq tirab yotishingga ham 

---

Tog‘ay Murod. Otamdan qolgan dalalar (roman)