Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
156
Devordan sado bo‘ldi — mendan sado bo‘lmadi.
Men toshday-toshday bo‘lib o‘tira berdim.
Ivan Ivanovich horiqulodda aynidi...
Ivan Ivanovich zahar yuz bo‘ldi.
Ivan Ivanovich tana ko‘z bo‘ldi.
Ivan Ivanovich qalt-qalt qo‘l bo‘ldi. 
— Hali zindonbandlarim ellik mingta bo‘ladi! Hali zindonbandlarim yuz mingta bo‘ladi! — deya 
lik etib turdi. — Pichoqqa ilashajak o‘zbek — omon qolmaydi! O‘zbekiston — tutday kallak bo‘ladi! 
27 
«Sadist» bir tarafimlab keldi, «Sokol» bir tarafimlab keldi. 
Men apil-tapil turib o‘tirdim. 
— Tun sovuq keldi, churban, — dedi «Sadist». 
— Tiqilishib yotaylik...isib yotamiz, — dedi «Sokol». 
«Sadist» bilan «Sokol» o‘ng-chapimni olib o‘tirdi. 
— Churban, — dedi «Sokol». — Bilasan, men Sho‘ro hukumatidan nafratlanaman! 
— Men esa jirkanaman! — dedi «Sadist». 
— Ammo yashab qolish kerak! 
— Zindonda bo‘lsa-da, odamday yashab qolish kerak! 
— Tashqaridan ichkilik olib turamiz. 
— Taryok olib turamiz. 
— Oldi-berdimizni Sho‘ro qonunbozlari biladi. 
— Sho‘ro Bosh Prokurorigacha biladi! 
— «Yula»dan boshlab Bosh Prokurorgacha bizning dastyorligimizni qiladi! 
— Bosh Prokuror dastyorimiz bo‘lgach — yemakni qusmog‘i-da bo‘ladi... 
«Sadist» bilan «Sokol» bilaklarimdan oldi. Qo‘llarimni ketim qayirdi-ketim qayirdi — yelkam olib 
bordi. 
Qo‘llarim qirs-qirs etdi. 
— A-a-a-ay!.. — deya ovoz berdim. 
«Sadist» bilaklarimni bir nima bilan o‘rab-o‘rab boyladi. 
Men tishimni tishimga bosib-bosib turdim. «Sokol» bo‘ynimdan bosdi. Men yuztuban enkayib-
enkayib turdim. Men tizzalarimni yig‘ib-yig‘ib turdim. «Sadist» cholvorimni qo‘shqo‘llab tortqiladi. 
— Oyoqlarini yoy! 
— Tizzalaringni och! 
Men jon-jahdim bilan tizzalarimni qapishtirib-qapishtirib turdim. 
— «Sokol», sindir oyog‘ini, sindir! 
«Sokol» etik uchi bilan tizzalarim ko‘zilab-tizzalarim ko‘zilab tepdi. 
Tizzalarim etik tepkilarni ko‘tarolmadi. Tizzalarim o‘z-o‘zidan yoyildi. 
Shunda, cholvorim lip etib tushdi... 
— Bay-bay-bay! — deya, «Sadist» quymuchlarim shapatiladi. — Tarvuz, misoli tarvuz! 
— Umr bo‘yi yotib yegach... tarvuzday bo‘ladi-da! 
— Bilqillaydi-ya, bilqillaydi! — deya, «Sadist» quymuchlarim shapatiladi. 
Men bor ovozim bilan baqirdim: 
— «Yula»-a-a-a!.. 
— Baqirma, churban, baqirma! Yarim kechada «Yula» qoldimi! 
— «Yula»-a-a-a!.. — deya, yig‘lab-yig‘lab qo‘ya berdim. 
— Baqirma deyapman! 

---

Tog‘ay Murod. Otamdan qolgan dalalar (roman)