Microsoft Word Р. Расулов дарслик. Doc

Topshiriq. 
Matnni o‘qing. Mazmunini aytib bering. 
PROFESSOR 
 
Ravshanxo‘ja Rasulov – taniqli tilshunos, filologiya fanlari doktori, 
O‘zbekiston Jurnalistlar uyushmasi a’zosi, O‘zbekiston Respublikasi Xalq 
maorifi a’lochisi, O‘zbekiston Respublikasi mustaqilligining 10 yilligi 
nishoni sohibi, Respublika Oliy attestatsiya komissiyasi eksperti, Nizomiy 
nomidagi TDPU xizmat ko‘rsatgan professori, shu universitet Umumiy 
tilshunoslik kafedrasi mudiri. 
R. Rasulov o‘zbek tilshunosligining leksikologiya, semasiologiya, 
leksikografiya va sintaksis bo‘limlariga oid ilmiy tadqiqotlar olib 
borayotgan nazariyotchi olimdir. 
Taniqli olim bugungacha 3 ta monografiya, 1 ta darslik, 4 ta 
qo‘llanma, 1 ta lug‘at, 2 ta maxsus kurs, 5 ta dastur va 70 ga yaqin ilmiy, 
ilmiy – metodik maqolalar chop ettirgan sermahsul tadqiqotchidir. 
Olimning monografiyalari o‘zbek nazariy tilshunosligining dolzarb 
muammolariga qaratilgan bolib, ularda til va nutq dialektik munosabati 
asosida so‘zlarnning birikuvchanligi (valentligi), so‘z ma’nolarini 
komponent tahlil usulida o‘rganish, so‘zlar (fe’llarning) ma’no tuzilishi, 
ma’no tarkibi, izohi kabi so‘z muammosi bilan bevosita bog‘liq bir qator 
masalalar yoritiladi. Ayniqsa, uning shogirdi bilan o‘zbek tilshunosligida 
ilk bor yaratgan o‘zbek tilining noyob boyligi – tasviriy ifodalari 
(parafrazalar)ga bag‘ishlangan lug‘ati alohida ahamiyat kasb etadi. 

---

131 
Qo‘lingizdagi «O‘zbek tili» darsligi shu olimning tashabbusi bilan 
uning rahbarligida yaratildi. 
Izlanuvchan olim Ravshanxo‘ja Rasulov o‘nlab shogirdlar ham 
yetishtirdiki, bugungi kunda ular oily va o‘rta ta’lim muassasalarida 
yoshlarga ta’lim – tarbiya bermoqdalar, ommaviy axborot vositalarida 
faoliyat yuritmoqdalar. Ular milliy istiqlol g‘oyasini amalga oshirishda, 
ma’naviyatimizni targ‘ib qilishda fidokorlik ko‘rsatmoqdalar.