Microsoft Word Р. Расулов дарслик. Doc

Topshiriq.
Matnni o‘qing, mazmunini aytib bering.
 
MAVLONO LUTFIY
 
C. Ahmadxo‘jayevdan 

---

133 
Lutfiyning asl ismi noma’lum. Shoirning tug‘ilgan va vafot etgan yili 
aniq emas. U taxminan 1366- yilda Hirot shahri yaqinidagi Dehikanor 
degan joyda oddiy bir oilada tug‘ildi.
O‘z davrining g‘azal ustasi Lutfiy barakali ijod etib, ajoyib dostonlar 
ham yaratgan. Bular orasida shoir adabiy merosining salmoqli qismini 
tashkil etuvchi devoni ayniqsa qimmatlidir. 
Yosh Alisher Navoiy o‘z davrining aziz va tabarruk shoiri Lutfiy 
bilan tez-tez do‘stona uchrashib, adabiy suhbatlarda bo‘lgan. Navoiy o‘z 
asarlarida ko‘p o‘rinlarda Lutfiy nomini tilga olganda, unga hurmat, izzat 
bilan “Mavlono Lutfiy”, “Malik-ul kalom” Lutfiy deb murojaat qiladi.
Lutfiy samarali ijod qilib, o‘zidan keyin boy lirik meros qoldirgan. 
Uning o‘zbek va fors tillarida o‘n-o‘n ikki ming bayt ijod etganligi ilmiy 
manbalarda xabar qilinadi. 
Hozirgi kunda Lutfiy devonining 30 dan ortiq qo‘lyozma nushasi 
fanga ma’lum bo‘lib, jumladan, 16 nusxasi O‘zbekiston qo‘lyozma 
fondlarida saqlanmoqda. 
Lutfiy ijodi markazida inson va uning muhabbati turadi. Shoir 
sevgini chuqur va badiiy ta’sirli etib kuylaydi. U sevgini insonning eng 
olijanob fazilati va ma’naviy go‘zalligi deb biladi va bu tuyg‘uni ardoqlab 
inson hayotining eng asosiy mazmuni deb qaraydi. 
Insonlarni ezgulikka da’vat etuvchi, ularni bir-biriga doimo yaxshilik 
qilishga undovchi misralarni Lutfiy g‘azaliyotida ko‘p uchratish mumkin.
Oddiy va kamtarona hayot kechirgan Lutfiy 1465- yilda Hirotda 
vafot etib, o‘zi tug‘ilgan Dehikanordagi bog‘iga dafn qilingan. 
Lug‘at ishi 
barakali обильный 
salmoqli заметный 
qimmatli значимый, дорогой 
tabarruk почтеный, святой 
murojaat etmoq обращаться
bayt двустишье 
qo‘lyozma рукопись 
olijanob благородный 
tuyg‘u чувство
ardoqlamoq беречь, дорожить 
...ga undovchi призывающий делать... 
misra строка 
dafn qilingan похоронен

---

134