Microsoft Word Р. Расулов дарслик. Doc

---

1 
RASULOV R. USMONOVA M. MIRAZIZOV A. 
O‘ZBEK TILI 
TOSHKENT – 2003 

---

2 
Taqrizchilar: 
filologiya fanlari doktori professor M. Mirtojiyev 
filologiya fanlari momzodi professor H. Jamolxonov 
filologiya fanlari momzodi dotsent H. Ismoilov 
Nizomiy nomidagi TDPU Ilmiy kengashining 2003- yil
27- fevralidagi 8- sonli qarori bilan nashrga tavsiya qilingan. 
© Nizomiy nomidagi TDPU. 2003. 
SО’Z BOSHI 
O‘zbekiston Respublikasining davlat tili o‘zbek tilidir. Binobarin, tilga hurmat – elga 
hurmat, tilga e‘tibor elga e‘tibordir. Chunki til xalqimiz tarixi, xalqimiz boyligi, hayotimiz 
ko‘zgusidir. Shunga ko‘ra yurtboshimiz Oliy Majlisning IХ sessiyasida shunday deydi: «O‘z 
fikrini mutlaqo mustaqil, ona tilida ravon, go‘zal va lo‘nda ifoda eta olmaydigan 
mutaxassisni, avvalambor, rahbar kursisida o‘tirganlarni bugun tushunish ham, oqlash ham 
qiyin».
1
Ayni fikrlarning rusiyzabon o‘rtoqlarga ham taalluqli ekani shak- shubhasizdir. 
Qo‘lingizdagi «O‘zbek tili» darsligi respublika oliy o‘quv yurtlari rus guruhi 
talabalari uchun mo‘ljallangan. 
Darslikda nazariy bilimlar bilan amaliy bilimlar uyg‘unlikda olib borildi. 
Darslikda asosiy diqqat- e‘tibor, maqsadga to‘la muvofiq, amaliyotga – so‘zlashuv 
nutqiga - nutq o‘stirish muammosiga qaratildi. 
1
 Karimov I.A. Barkamol avlod orzusi. T. 1997. 9-bet. 

---

3 
Shunga ko‘ra, darslikning asosiy qismini mashg’ulotlar, topshiriqlar, matnlar, 
tarjimalar va lug‘atlar tashkil etadi. Shuningdek, darslikda rusiyzabon talabalarga amaliyotda 
erkin foydalanishlari uchun faol ishlatiladigan ayrim ish hujjatlari ham «taqdim etiladi».