Microsoft Word pushkin sherlar ziyouz com doc

 
Миртемир таржимаси 
 
 
* * * 
Қонимда ёнади орзу оташи, 
Сен менинг дилимга солдинг жароҳат; 
Бўса ол шаробу болдан ҳам ширин 
Сенинг бўсаларинг, бағишлар роҳат. 
Кел, меҳру севги-ла бошимга эггил, 
Беисён, оромда тин олсин жоним: 
Қувноқ кун ботгунча уфққа енгил, 
Қуюлгунча туннинг туманлари жим. 
1825 

---

Александр Пушкин. Шеърлар ва достон 
www.ziyouz.com kutubxonasi 
76
Зулфия таржимаси 
ВЯЗЕМСКИЙГА 
Қадим жон офати — денгиз шунчалик 
Оловлантирдими даҳонгни сенинг? 
Мадҳ этдинг сен олтин лирангни чалиб 
Нептуннинг даҳшатли паншахасини. 
Мадҳ этма. Бу бизнинг бадбин даврда 
Ерга иттифоқдош у кекса Нептун. 
Одам — барча бебош олағовурда 
Ё золим, ё хоин ва ёки тутқун. 
1826 
Асқад Мухтор таржимаси 
ЯЗИКОВГА 
Язиков, сенга ким бахш этди илҳом 
Бу шўхчан номани ёзмоқлик учун? 
Бунча ҳазилкашсан, бунча меҳрибон, 
Бу қадар тошибди ҳисларинг, кучинг, 
Жўш урган ғайратинг бунча навқирон! 
Йўқ, сен ўз созингни қониб сугорган 
Касталь чашмасининг сувлари эмас; 
Сенга бошқа ердан туёги билан 
Иппокрен чашмасин очибди Иегас. 
Сизилиб оқмайди ундан муздай сув. 
Ачиган шаробдай кўпирмайди у; 
Яроқсиз сувлардан холи, озода. 
Ром билан винонинг аралашмаси - 
Гўё Тригорскда. бизнинг замонда 
Эркин 
ташналик
нинг очган чашмаси 
Соф ва олижаноб ичимликдан у, 
Маст қилар, уйготар бесабр
туйғу
. 
1826 
 
Асқад Мухтор таржимаси 
 
 
* * * 
Аччиқ сатиранинг оташ музаси! 
Кел, менинг оташин даъватимга кел! 

---

Александр Пушкин. Шеърлар ва достон 
www.ziyouz.com kutubxonasi 
77
Менга керак эмас мақтов лираси, 
Менга Ювеналнинг қамчисини бер! 
Лекин, бу бадҳазм эпиграммам 
Нодон тақлидчилар, асти сизгамас, 
Эй, баднафс таржимон, қофияпараст — 
Бечора нўноқлар, бўлинг хотиржам! 
Хотиржам бўлингиз, шўрлик шоирлар! 
Журнал муридлари — юраги кирлар! 
Омон бўлинг сиз ҳам, тентаклар! Бироқ, 
Эй, сиз муттаҳамлар, чиқинг яқинроқ! 
Сизнинг ҳаммангизни, разил, аблаҳлар, 
Виждон қийноғига оламан ёмон! 
Қайси бирингизни унутсам агар, 
Сўрайман, жаноблар, айтинг шу замон. 
О, қанча мис манглай — қовоқкаллалар, 
О, қанча беномус, орсиз афт-ангор, 
Буларнинг ҳаммаси мендан баробар — 
Ўчмайдиган тамға олишга тайёр! 
1820-1826 
Туроб Тўла таржимаси