Microsoft Word pushkin sherlar ziyouz com doc

 
Асқад Мухтор таржимаси 
 
 
* * * 
Яхши қол, қадрдон яшил ўрмонзор! 
Яхши қол, қайғусиз дала қучоғи! 
Сиз ҳам, эй тез учган хушвақт бахтиёр 
Кунлар — енгил қанот эрмаклар чоги! 
Хайр, Тригорское, шодмон ҳаётим, 
Мудом хушвақт кутган севикли диёр! 
Сизга ўргандим мен, тузингиз тотдим, 
Наҳот, айриламан мангуга такрор. 
Сиздан эсдаликлар олиб кетаман, 
Лекин қолдираман сизга бу қалбим. 
Бир кун (ширин хаёл!) — тағин қайтарман 
Оромбахш далангиз қўйнига, балким. 
Юрарман жўказор сояларида, 
Мен дўстона эркка бош эгувчиман, 
Қия тепаларнинг ораларида — 
Ақл,гўзалликни хўп севгувчиман. 
1817 
Миртемир таржимаси 
ЧААДАЕВГА АТАБ 
Севги, умид, жимжит шон ушоқлари 
Эрмак бўлолмади бизга кўп замон, 

---

Александр Пушкин. Шеърлар ва достон 
www.ziyouz.com kutubxonasi 
67
Ўтди ёшлигимиз овунчоқлари 
Гўёки туш, гўё тонгдаги туман: 
Аммо ёнар ҳали бизда иштиёқ, 
Ёвуз бу салтанат қилса ҳамки жабр, 
Қалбимиз талпинар бетоқат, бесабр. 
Ватан даъватига соламиз қулоқ. 
Ошиқ йигит ширин висол дамини 
Зориқиб кутгандай, бўлиб нигорон — 
Муқаддас озодлик минутларини 
Ишонч-ла кутамиз энтикиб ҳамон. 
Қали эрк майлида ёнар эканмиз, 
Юрак ҳаёт экан номусга-шонга: 
Дўстгинам, ватанга жонни тикканмиз, 
Кўнгил орзулари фидо ўшанга! 
Ишон. шубҳа қилма, келар у замон, 
Балқар бахт юлдузи — дилбар ва порлоқ! 
Россия уйқудан уйғонар, инон, 
Шоҳлик вайронаси устига, ўртоқ, 
Ёзилажак бизнинг номлар бегумон. 
1818 
Миртемир таржимаси 
N. N. 
 
В. В. Энгельгардтга
25
Эскулапга чап бериб қолдим, 
Ориқман, тақирбош, лекин саломат; 
Азоб панжасидан қутулиб олдим, 
Бошгинамдан кетди оғир маломат; 
Приапнинг қувноқ ҳамроҳи соғлиқ 
Ҳам уйқу, ҳам фароғатли дам 
Яна худди илгаригидек, 
Оддий, тор кулбамга қўйдилар қадам. 
Кел, чала беморни юпатгин сен хам! 
У сени кўрмакка жуда интизор, 
Сени, қонунлардан холис, бахтиёр, 
Пинднинг танбал фуқаросини. 
Озодлик ва Вакхнинг содиқ фарзанди. 
Венеранинг мухлис дилбанди, 
Айши фарогатнинг соҳиби, сени! 
Пойтахтнинг бекорчи ташвишларию 
Неванинг соп-совуқ гўзаллигидан, 
Нодонларнинг чиркин миш мишларию 
25
В. В. Энгельгардт (1785— 1837) — «Зеленая лампа» тўгарагинииг аъзоси. Пушкиннинг дўсти. 

---

Александр Пушкин. Шеърлар ва достон