Microsoft Word pushkin sherlar ziyouz com doc

www.ziyouz.com kutubxonasi 
48
Узоқ уйқусидан уйғотдинг, балли. 
Ташаккурга кўмдим бутун қисматим. 
Ёшликдан қўшиқ-ла ёндик яширин. 
Ажиб ҳаяжонга берилдик тезда. 
Шунда икки муза келарди бизга, 
Эркалаб тақдирни этарди ширин: 
Мен олқиш-қарсаклар завқини севдим, 
Сен, мағрур, куйладинг илҳом, қалб учун: 
Умримдан беҳуда кетди санъатим, 
Даҳонгни парвариш этдинг сен сокин. 
Майда машмашани ёқтирмас илҳом; 
Гўзаллик бўлиши керак улуғвор, 
Ёшлик ўгитлари, аммо кўп маккор, 
Ҳовликма орзулар этади хуррам... 
Бир кун ўзимизга келармиз, бироқ — 
Кечир. Ортда из йўқ қарасак шу пайт. 
Вильгельм, ҳамқисмат ва куйчи ўртоқ, 
Биз ҳам ана шундай бўлмадикми, айт? 
Пайтидир! Арзимас бутун бир жаҳон 
Биз чеккан азобга; тарк бўлсин хато! 
Сояга яшириниб яшайлик танҳо! 
Кечиккан дўст, сенга кўзим нигорон, 
Кел, сеҳрли ҳикоянг оташи билан 
Чин кўнгил наклини жонлантир шу чоқ; 
Сўзлашайлик Шиллер, шараф ва ишқдан, 
Кавказ кунларини эслайлик узоқ. 
Менга ҳам пайтидир... дўстлар, базм этинг! 
Хурсанд учрашувни сезяпман, рости. 
Шоир башоратин унутманг асти: 
Йил ўтар, сиз билан бўларман тагин. 
Орзу-армонларим топади қарор; 
Йил ўтар, сиз билан бўларман тагин, 
О қанча ҳайқириқ, кўз ёш шашқатор. 
Қадаҳлар кўкларга кўтарилар шод! 
Илк қадаҳ, лим тўлсин, ошналарим, ҳей! 
Дўстлар шарафига оқ урилсин, оқ! 
Сен илҳом париси, димоғлари чоғ, 
Бахт-саодат тила: яшасин лицей! 
Ёшлигимиз дўсти, пуштипаноҳи, 
Тирикми, ўликми — бариси учун 
Аламни унутиб, олсак қадаҳни 
Яхшилик, фароғат янграр бус-бутун. 
Лим-лим тўлдирилсин! Шавқлансин кўнгил, 

---

Александр Пушкин. Шеърлар ва достон 
www.ziyouz.com kutubxonasi 
49
Яна томчи қўймай оқ урингиз, оқ! 
Бу ким учун? Дўстларим, ўйлангиз бироқ... 
Ура, шоҳимизга! Шундай! Ичамиз бир йўл. 
У инсон! Ҳокимдир унга бир нафас, 
У шубҳа, эҳтирос. миш мишларга қул, 
Ноҳақ қувғин учун афв этайлик бас, 
Парижни забт этди, лицей қурди ул. 
Ичингиз, жўралар, хамон бунда биз! 
Даврамиз соатлаб нурайди, эвоҳ! 
Биров тобутдадир, биров етим, оҳ! 
Тақдир шу, сўламиз, кунлар ўтар тез; 
Букчайиб, ҳарорат йўқолиб секин, 
Яқинлашмоқдадир ҳаёт қирғоғи... 
Байрам этар экан ким лицей кунин 
Ўзи ёлғиз қолиб кексайган чоғи! 
Бахтсиз ошно! Янги авлодлар аро 
Бегона, ортиқча, ҳасратли меҳмон, 
Кўллари қалтираб кўз юмиб чунон, 
Бизни, бу кунларни эслар бенаво... 
У қадаҳ кўтариб, майли, бу куни 
Роҳатла ўтказсин мунгли бўлса ҳам, 
Худди
мен қувғинди, бир тутқун уни 
Ўтказганим каби беташвиш, беғам. 
1825 
 
Рамз Бобожон таржимаси