Microsoft Word muminning sifatlari ziyouz com doc

 
- 16 - 
ЭНГ ЗАИФ МЎЪМИН ҲАМ КОФИРДАН АФЗАЛ 
 
"Мўъмин киши дунё амалларидаги хато-камчиликлари учун камситилмайди, 
камситилишга лойиқ бўлганлар аҳли куфрдир" 
18
. 
Иймоннинг фазилати шу қадар буюкки, унинг таърифига тил ожиз. Қуёш чиққанда 
юлдузлар ғойиб бўлганидек, иймон нури етган жойда ҳам нур таралади. Мўъмин киши катта-
кичик гуноҳ ва нуқсонлар содир этса-да, иймони туфайли барибир жаннатга киради ва Ҳақнинг 
чексиз лутфига муяссар бўлади.
Куфр аҳли эса қанчалик яхши инсон бўлмасин, башариятга электр, радио, телефон, тайёра 
ва шунга ўхшаш қанчадан-қанча фан-техника ютуқларини тақдим этмасин, иймони бўлмас 
экан, бу хизматлари қадрсиздир. Чунки Аллоҳнинг наздидаги энг асосий масала иймондир. 
Яратилишимизнинг ҳам бирламчи сабаби Роббимизни танимоқ, унга ҳеч нарсани шерик 
қилмаслик. Кофир асосий неъмат – мўъминликдан маҳрум экан, бошқа ҳар қандай соҳадаги 
хизматлари Аллоҳнинг даргоҳида мақбул эмас. Жаноби Ҳақ уларга берган етук ақлу заковатни 
У зотни билишга, танишга ва иймон келтиришга ишлатмас экан, дўзахда чекадиган азоблари 
икки ҳисса ортиқ бўлади, валлоҳи аълам. 
Шунинг учун баъзи куфр аҳлининг хайру эҳсонларига алданиб, уларни мақташ, кўкларга 
кўтариш кечирилмас гуноҳи азимдир. Кофир бизнинг назаримизда яхши кўрингани билан 
куфрининг ўзи ёмонлигига етарли далил бўлади. Абадий жаҳаннамда қолишига шунинг ўзи 
кифоя. Бунга алоҳида эътибор бер ва зинҳор кофир юрган йўлга майл этма! Уларнинг ортидан 
эргашма. Улар берган бир томчи асалда минглаб оғу заҳарлар борки, таъсири кейинчалик 
юзага чиқади. Ҳайҳот, сен Пайғамбаримиз саллаллоҳу алайҳи васалламни яхши таниб ол, у 
зотни ҳар нарсадан ортиқроқ сев, йўлларидан асло айрилма, чунки дунё ва охират саодати у 
зотга эргашишдадир. 
Ушбу жиҳатларга кўра, мўъмин киши дунё амалларидаги хато-камчиликлари учун асло 
камситилмайди. Камситилишга лойиқ бўлганлар аҳли куфрдир. Мана сенга инсоф дарсидан бир 
сабоқ. Аллоҳнинг ҳақларига ҳамда инсонларнинг ҳақларига риоя қилиш нима эканлигини энди 
тушунгандирсан. Барча яхши хулқлар мўъмин-мусулмонларнинг хатти-ҳаракатларида зоҳир 
бўлиб, буларнинг акси ёмон ва гуноҳ амаллар эканлиги тобора маълум бўлмоқда. 
Парвардигори олам барчамизни илмига амал қилувчи иймони комил мусулмонлар қаторига 
қўшсин.