Microsoft Word muminning sifatlari ziyouz com doc

"Иймон аҳли бир тан, бир 
жондир"
ҳадиси шарифлари ҳам бунга ёрқин далилдир. Бизлар ўзаро жипслашсак, иттифоқ 
бўлсак, ана шундагина ҳурриятга, шону шарафимизга эришамиз. Аксинча, иймон ва Ислом 
бирдамлиги зое бўлса, ҳамма ўз нафсини ўйлайверса, ўзгаларга қул-асир бўлиб, озодлик 
неъматидан маҳрумлигимизча қолаверамиз. Золимлар бизни инсоний ҳудудлардан чиқиб 
кетишга мажбур қилади. 
Расулуллоҳ саллаллоҳу алайҳи васаллам айтадиларки:
"Инсонларга шундай бир замон (охирзамон) келадики, мўъмин киши қўйдан 
ҳам тубанлашади"
26
. Қўй чўпоннинг қўлида қанчалик забун, маҳкум ва ночор бўлса, мўъмин 
киши ҳам иймон ва Исломнинг ҳақиқатини йўқотдими, бас, онгсиз жонивор-қўйга айланади. 
Дўстини сўйсалар ҳам, парвойи палак, ўтлаб юраверади. 
Азиз биродар! Инсоннинг бир аъзосини бирон сабабдан кесмоқчи ёки жарроҳлик қилмоқчи 
бўлсалар, хасталанган аъзога оғриқни сездирмайдиган игна урилади. Шундан кейин у аъзо 
танадаги бошқа аъзолардан бутунлай ажралади, ҳеч бир аъзо унга ҳамдардлик билдирмайди 
ва ниҳоят кесилади. Ушбу аъзолардаги асаб толаларини ўлдириш билан бадан оғриқ сезмайди. 
Сезги ҳиссининг ўлдирилиши билан маънавиятнинг ўлдирилиши орасида ҳеч фарқ йўқ. Бири 
модда билан ўлдирилади, иккинчиси руҳий туйғулар орқали.
Аллоҳ таолонинг борлиги ва бирлигига, китобларига, пайғамбарларига, охират кунига, 
қайта тирилишга, жаннат ва жаҳаннамга, мезонга, сиротга ишонмаслик, Қуръони каримнинг 
буйруқлари ва Расулуллоҳ саллаллоҳу алайҳи васалламнинг суннати санийясига эргашмаслик 
ёки инкор этиш туфайли банданинг руҳи буткул синади. Иймон ва Ислом тушунчаларини идрок 
этиш шууридан ҳам маҳрум бўлади. Руҳий-маънавий ҳисси тамоман ўлади. Ана шунда қўли ёки 
оёғи кесилганда оғриқ сезмайдиган беморга айланади. Аллоҳ сақласин! Маълум вақтдан сўнг 
бемор ўзига келади. Оғриқларни ҳис эта бошлайди. Аммо асл руҳиятини йўқотган бечоранинг 
ўзига келиши, ғафлатни тарк этиб иймонга ёпишиши, ҳаётда кам учрайдиган ўлимдан қутулиб 
қолган баъзи беморлар кабидир.
Қуръони каримда динсиз, иймонсиз кимсалар энг тубан кимсалар деб сифатланган: