Microsoft Word muminning sifatlari ziyouz com doc

Албатта сизларнинг 
Оллоҳ наздидаги энг ҳурматлироғингиз тақводорроғингиздир” оятида ифодасини 
топгандир. Пайғамбаримиз саллаллоҳу алайҳи васаллам ҳазратлари ҳам шу боис: 
"Устунлик 
фақат тақводадир"
деганлар. Бу жуда ҳам муҳим. Чунки тақво бизга маълум эмас. Унинг 
жойи қалбдир. Бинобарин, ҳеч бир муттақий учун бир мусулмонни хор-ҳақир кўриш жоиз 
бўлмайди. Қандай қилиб таҳқир қила оладики, ахир, охирги нафасда ўзининг ҳоли нима 
кечишини билмайди! Ўз ҳолини билмагани каби, ўзганинг ҳам охирги нафаси қандай бўлиши 
маълум эмас.
Шундай экан, бошқа кимсани ҳақорат қила кўрманг. Оқибатимизнинг қандай бўлиши 
ҳаммамизга қоронғу, номаълум. Дунёвий бойлик ёки билимга алданиб, бошқа фақир ва авом 
инсонларни менсимасликдай нодонларча бир хатти-ҳаракат Исломда йўқ. Чунки бутун 
махлуқоту мавжудотни яратган Аллоҳдир. Қай бирини бой, қай бирини фақир, қай бирини 
олим, қай бирини эса жоҳил қилиб яратган. Буларнинг барчаларининг алоҳида-алоҳида 
хизматлари бор. Дунёга бир қарасак: кўп қисми сув, оз қисми қуруқлик; бир қисми тоғу тош, 
бир қисми жарлик, чуқурлик, ўпқон; бошқа бир қисми эса тақир чўл – ҳеч нарса битмас, 
кўкармас, қақроқ жой. Ернинг ости эса алоҳида олам. Баъзи ерида кўмир, баъзи ерида газ, 
баъзисида олтин, платина, кумуш ва ҳоказо. Буларнинг ҳаммаси бир хил нарса бўлганида 
қандоқ бўларди? Йўқ. Чунки бизларнинг билганимиз ва ҳатто биз билмаганимиз бир қанча 
маъданларнинг ҳаммаси ҳам дунё ҳаёти учун зарур эҳтиёждир. Бу ҳақиқатни инкор қилиш 
мумкинми? 
Мана шунинг учун ҳам соғлом ақлли бир мусулмон бу ҳақиқатларни обдон ўйлаб, яратган 
Аллоҳга шаксиз-шубҳасиз таслим бўлиши зарур. Мўъминликнинг, мусулмонликнинг шукрини 
келтириб, қадрига етиши керак. Мўъмин-мусулмон биродарларига ҳар қандай вазиятда ўз 
бурчи сифатида моддий ва маънавий ёрдам бериши лозим.
Аллоҳ мўъминларни илмли, ахлоқли, ихлосли, ҳимматли, яхшиликларга интилувчи, 
ёмонликлардан сақланувчи, биродарларига ёрдам берувчилардан айласин. Омин. Валҳамду 
лиллаҳи раббил оламин.