Мўъминнинг сифатлари. Муҳаммад Зоҳид Қўтқу
www.ziyouz.com кутубхонаси
31
-38-
МЎЪМИН МЎЪМИНДАН ИБРАТ ОЛАДИ
"Мусулмон мусулмоннинг кўзгусидир. Агар унга қараса, ундан ибрат олади"
47
.
Мусулмон мусулмон учун кўзгудир. Кўзгунинг вазифаси барчага маълум: инсоннинг ташқи
кўринишидаги бутун гўзаллиги-ю хато камчиликларини тўла акс эттиради. Кўзгу ёрдамида
инсон ўзидаги доғ ва қусурлардан воқиф бўлиб, уларни кетказишга ҳаракат қилади. Чунончи,
шу ҳолатда инсонлар орасига киришдан уялади. Пайғамбаримиз саллаллоҳу алайҳи васаллам
сафарга чиқсалар, ёнларида кўзгу олиб юрар эдилар. Баъзида эса сувга қараб ҳам
қиёфаларига бир разм солиб қўяр эдилар. Ул зот шул амаллари ила бизларга ҳам доимо усти
бошимизни тоза ва чиройли тутмоқни тавсия этмоқдалар. Усти боши ифлос, соч-соқоли ифлос,
тўзғиган кишиларни ул ҳазрат ёқтирмас эдилар.
Бу ҳол албатта зоҳирий бўлиши билан бирга, ботинга ҳам тааллуқлидир. Мўъмин-мусулмон
киши нафақат биродарлари учун, балки бутун инсоният учун ҳам кўзгу ва намунадир.
Ўтмишда Хитой, Индонезия ва бошқа мамлакатлардаги инсонларнинг Исломга киришларига
сабаб бўлган муҳтарам зотлар ҳақиқий кўзгулик сифатини намоён этганлар.
Улар нуроний,
қалби ва амали бир, тўғри, ҳалол, тақводор бўлиб, Аллоҳ таоло розилиги йўлида чекадиган
ҳам-ташвишларни ҳеч нарсага алмашмайдиган инсонлар эди. Уларнинг гўзал хулқ ва
хизматларини кўрган замондошлари уларга ҳавас қилиб мусулмон бўлишарди. Ҳатто
Хитойда
ҳам шундай ҳодиса рўй берган: икки саҳоба у ерларга савдо учун боришганда Хитой аҳли
улардаги тўғрилик, ҳалоллик ва бошқа фазилатларни кўриб, Исломга шайдо бўлиб, меҳрлари
тушиб, мусулмон бўлишган.
Ҳолбуки, миссионерлар қилаётган ҳар хил алдамчи ёрдамларга, тарғиб ва ташвиқларга
алданмасдан, юзларида илоҳий нур порлайдиган, хулқларида гўзаллик
сабабли миллионлаб
кишилар иймонга келганлар. Бу ўша кунги мусулмон ота-боболаримизнинг нақадар соф,
шаффоф бир кўзгу ва ҳақиқий биродар бўлганликларини кўрсатади. Лекин бугунги кунда бир
оёғимиз қолдирган из иккинчи оёғимизга тўғри келмайдиган даражада тескари ҳаракат
қилаётганимиз маълум.
Намозларимизга, рўзаю ҳаж ибодатларимизга қараб, мусулмон демоқдалар. Аммо муомала
қисмига келганда, турли ёлғон, ҳийла, ваъдага вафосизлик, омонатга хиёнат, ҳасад, ғийбат ва
ҳоказо амаллар содир этилаётганини кўриб, мусулмонлардан, Исломдан юз ўгирмоқдалар.
Шундай экан, ҳар бир мусулмон ўзи содир этаётган нуқсонларни тузатмоғи лозим. Азизлик
Аллоҳ ва мусулмонларга хосдир. Мусулмон киши эса ўзининг кўзгу эканини унутмаган ҳолда
ана шу азизликка муносиб амаллар қилиши керак.
Do'stlaringiz bilan baham: