Microsoft Word muminning sifatlari ziyouz com doc

 
- 12 - 
МЎЪМИННИНГ ОҒИРЛИГИ БИРОВГА ТУШМАЙДИ 
 
“Ҳақиқий мўъмин бировга оғирлиги тушмайдиган кишидир”
13
.
 
Ҳақиқий мўъмин биродарларига оғирлиги тушмайдиган, заҳмату азияти ва эҳтиёжи оз 
бўлган кишидир. 
Инсонлар доим бир-бирларига муҳтождирлар. Аммо бошқаларнинг ҳожатлари учун чопиб, 
ўз эҳтиёжини унутмоқ ва уларга оғирлигини туширмаслик амалларнинг афзалидир. Мўъмин 
биродарларига доим кўп ёрдам беради. Жўмардлиги туфайли чарчаш ва ранжиш нималигини 
билмайди. Комил мўъмин ҳалим ва мушоҳада мақоми туфайли ғайб нурини кўришга, 
жаннатнинг жамоли-ю гўзалликларини кўриб тургандек мушоҳада этишга қодирдир. Бунинг 
баробарида дунёнинг фонийлигини, бутун чиркинликларнинг нима эканини яхши билгани учун 
дунёвий эҳтиёжларини иложи борича камайтиради. Бировга оғирини туширмасликка интилади. 
Зеро, дунё роҳатига эришмоқчи бўлса, ҳаром ва шубҳали нарсаларга ўралашиб қолиш 
эҳтимоли бор. Шунинг учун олди-сотдиларда ҳийла, ёлғон, қасамхўрлик, аҳдга вафосизлик, 
омонатга хиёнат сингари мусулмонларга ярашмайдиган нопок хислатлардан халос бўлади. 
Охират учун тоат-ибодатга, зикру фикрга вақт ҳам топади, нафл намозларини ўқийди, рўза 
тутади, алал-оқибат, борган сари мубоҳ ишлардан узоқлашиб, Аллоҳга қурбати-яқинлиги ошиб 
бораверади... 
 
- 13- 
МЎЪМИН ХАЛҚ ОРАСИДА ҲАҚ БИЛАН БИРГАДИР 
 
“Инсонларга аралашиб юрадиган ва уларнинг азиятларига сабр қиладиган 
мўъмин киши, одамларга аралашмайдиган ва уларнинг азиятларига сабр 
қилмайдиган мўъмин кишидан афзалроқдир”
14
.
 
Инсонлар орасида юриб, уларнинг жабру жафоларига сабр қилган мўъмин киши, 
жамиятдан четлашиб, узлатда қолган ва қийинчиликларга сабрсизлик қилиб, дод-вой 
соладиган мўъмин кишидан афзалдир
.
Инсонлар томонидан келган мусибатларга сабр этмоқ улуғ амаллардан ҳисобланади. Чунки 
бу мусибатлар билиб-билмай қилинган гуноҳларга Аллоҳ таоло томонидан мана шу дунёнинг 
ўзида берилган бир жазо, танбеҳ, хатоларга каффорат, тавба қилишга имконият, гуноҳ ва 
хатолардан тийилишга бир восита ва сабоқдир. Бу - қалби ҳидоятга мойил бандалари учун 
Аллоҳнинг улуғ бир инояти. Бу иноятни бой берма. Эртаю кеч ҳамд ва истиғфорни канда қила. 
13
“Рамуз ал-аҳодис” 231\4, ҳазрати Абу Ҳурайра разийаллоҳу анҳу ривоят қилганлар 
14
“Рамуз ал-аҳодис” 231\3, ҳазрати Ибн Умар разийаллоҳу анҳумо ривоят этганлар 

---

Мўъминнинг сифатлари. Муҳаммад Зоҳид Қўтқу