Microsoft Word muminning sifatlari ziyouz com doc

www.ziyouz.com кутубхонаси 
9
Инсонлар орасида юрганингда эса чиройли хулқлар намоён қил, барчага ибрат бўл. 
Гўзалликларга қара, яхши ва Ҳақ сўзларни тингла, ёмон ва ботил гап-сўзлардан йироқ бўл. 
Доим эзгу сўзни де, ботил хатти-ҳаракатларни асло хаёлингга келтирма.
Замоннинг олими саналса-да, ахлоқан бузуқ, Аллоҳ таолонинг амрларига бўйсунмайдиган, 
суннати санийяни маҳкам тутмаган, жамоатга, жамиятга қўшилмайдиган инсонлардан ҳар доим 
узоқ юриш ва сақланиш керак. Зеро, бундай кишилардан кўп зарарлар келиши мумкин. Ҳар 
қандай салбий иллат каби ёмон ахлоқ ҳам юқумлидир. Унинг хунук феъл-атворидан баъзилари 
яхши инсонларга ҳам ўтиб қолади. Масалан, майхўр билан улфат одам, ҳаётида ичмаган 
шаробни бир кун ичиб қўйиши мумкин. Қиморбозлар, ўғрилар ҳам шундай. Булар бирлан 
дўстлик қилиш қанчалик ёмон иш бўлса, ҳар қандай бадхулқ эгаси билан дўстлик қилиш ҳам 
шундайдир. 
Бир инсоннинг ким эканини билмоқ учун унинг дўстларига боқмоқ кифоя. Комил, фозил, 
олим кишилар билан бирга бўлганлар улардан ўрнак олади, аксинча, ароқхўр, қиморбоз, 
ёлғончи, ўғри, жоҳил кишилар билан улфатчилик қилганларга эса табиийки, “қозоннинг қораси 
юқади”. Шу жиҳатдан бўлса керак, нафл ҳаж нафл садақадан афзал дейилган. Чунки ҳаж 
вақтида нотаниш кишилар билан шерик бўлади. Улар билан бўладиган турли муомалаларда 
унинг қанчалик сабру тоқатга эгалиги аён бўлади. 
Мутасаввиф олимлар узлат хусусида турли хил фикр-мулоҳазалар билдиришган. Жумладан, 
ҳужжатул-ислом Имом Ғаззолий ҳазратлари узлатнинг ҳам фойдалари, ҳам зарарларини 
батафсил тушунтирганлар. Имом Шофиъий ва Имом Аҳмадлар эса узлатни ёқламаганлар... 
Аслида, бу нарса инсонларнинг аҳволига қараб белгиланади. Ёлғизликда, Аллоҳ билан 
мустағрақ ҳолда бўлганларга узлат фойдалидир. Халққа ҳалол ва ҳаромни билдириб 
турадиганлар учун эса халқ билан аралашиш, бирга бўлиш афзалдир. Чунки пайғамбаримиз 
саллаллоҳу алайҳи ва саллам ҳазрати Холид ибн Валид, ҳазрати Амр ибн Ос разийаллоҳу 
анҳумо каби кўплаб саҳобаларга халққа хизмат билан шуғулланишни вазифа этиб тайинлаган 
бўлсалар, ҳазрати Абу Зарр Ғифорий разийаллоҳу анҳу каби баъзи саҳобаларга бунинг аксини 
тавсия этганлар