Microsoft Word muminning sifatlari ziyouz com doc

: 
 “Эй Або Зарр! Мен сени бир заиф киши сифатида кўрмоқдаман. Ва ўзим учун 
хуш кўрган нарсани, албатта, сен учун ҳам хуш кўраман. Сен асло икки киши 
ўртасида амр қилувчи бўлмагин ва етилар ҳаққига асло кўз олайтирмагин”
15
. Демак, 
кишининг ҳолатига кўра ҳаракат қилиш керак бўлади... 
Ҳақ субҳанаҳу ва таоло ҳаммамизни авфу мағфират айласин, Расули акрам саллаллоҳу 
алайҳи васаллам ҳазратларининг шафоатларига ноил қилсин. 
 
- 14 - 
КОМИЛ МЎЪМИН БАЪЗИ ФАРИШТАЛАРДАН АФЗАЛ
 
“Мўъмин киши Аллоҳ таоло учун баъзи фаришталардан кўра афзалроқдир. 
Мўъмин киши Аллоҳ таоло учун муқаррабийн фаришталардан ҳам кўра 
мукаррамроқдир”
16
.
 
Мўъмин киши Аллоҳ таолога баъзи фаришталаридан ҳам кўра ҳурматлироқдир. Мўъмин 
банда Аллоҳ таолога муқаррабийн-яқин фаришталардан ҳам кўра азизроқдир. 
Ҳазрати Абу Ҳурайра ва Анас ибн Молик разийаллоҳу анҳу ривоят қилган бу ҳадиси шариф 
Аллоҳ таоло комил иймон соҳибларини баъзи фаришталардан-да мукаррам қилганини англатиб 
турибди. 
Зеро, фаришталарда нафс ва шаҳват бўлмаганидек, ҳирс, ҳасад каби хислатлар ҳам йўқ. 
15
Муслим, “Китоби Имора”, (4), 3\1457-1458\17, Ҳазрати Абу Зарр Ғифорий разийаллоҳу анҳу ривоят қилганлар. 
16
“Рамуз ал-аҳодис” 231\2. 

---

Мўъминнинг сифатлари. Муҳаммад Зоҳид Қўтқу 
www.ziyouz.com кутубхонаси 
10
Шайтони лаъин ҳам уларни йўлдан оздиролмайди. Чунки улар нурдан яратилган. Ҳолбуки, 
инсон ундай эмас. Инсонни бир тарафдан нафси, иккинчи тарафдан шаҳвати, ҳирси, учинчи 
тарафдан ҳақ йўлдан адаштиришга, жаҳаннамга етаклашга, Аллоҳдан узоқлаштиришга 
уринадиган шайтонлар, мунофиқлар, ҳасадгўйлар, кофирлар қамраб олгандир. Улар билан 
бўлган курашларда ғолиб чиққан банданинг мукофоти, ҳеч шубҳасиз, фаришталарнинг 
баъзиларидан ҳам мукаррам ва афзал бўлишликдир. Шунинг учун Аллоҳнинг хос мўъмин 
бандалари фаришталарнинг авомидан афзалдир, дейилади. 
Ҳасан Басрий қуддисаллоҳу сирруҳу ҳазратлари айтадилар: 
"Агар мўъминлар гуноҳ 
қилмасалар эди, само мулкидаги малоикалар каби учган бўлардилар"
. Лекин Ҳақ таоло 
гуноҳлари туфайли уларни бундан манъ қилди. 
Муҳйиддин ибн Арабий раҳматуллоҳи алайҳ дейдилар: 
"Ҳақойиқи олам инсонга оиддир. 
Инсон оламдан фақат кичиклиги билан ажралиб туради. Бу олам асли икки қисмдан иборат 
бўлиб, бири камолотни қабул этмагани учун яратилгани бўйича қолган, бири эса камолотни 
қабул қилди ва бунда Ҳақнинг Жалол ва Жамол сифатлари тажаллий этади, шу боис у Аллоҳ 
учун ҳар ҳолатда мукаррам ва афзалдир".