Microsoft Word maktabgacha talim muassasalarida manaviy marifiy ishlar

MASHG’ULOT BAYONI:  
Murabbiy va o’qituvchi dars boshlanishdan oldin mashg’ulot uch bosqichdan 
iborat bo’lishligini e’lon qiladi. Keyin kutilgan natijaga erishdikmi yoki yo’qmi? 
Shuni aniqlash uchun Sizlar bilan qisqacha (bir nechta) savol – javob o’tkazamiz, 
deb bolalarni ogohlantirib qo’yadi. 
BIRINCHI BOSQICH
: Murabbiy yoki tarbiyachi bolalarga quyidagidek 
murojaat qilib, ma’lumotni bayon qilishga o’tadi. 
Aziz bolajonlar! Yaxshilab o’tirib oldilaringmi? Mashg’ulotni boshlaymizmi? 
Men sizlarga qahramonlik to’g’risida qiziqarli fikrlarni aytib beraman. Ular 
bizlarning erkin va farovon hayotda, Erkin va obod Vatanda tinch – osoyishta 
yashashlarimiz uchun o’z jonlarini ham ayamay Vatanimiz dushmanlariga qarshi 
kurashganlar. Ular haqida juda qiziq ma’lumotlar bor. Sizlarga ular haqida aytib 
beraymi? 
Hozir men sizlarga dastlab tarixiy qahramonlarimiz haqida birma – bir so’zlab 
beraman. Shuni unutmanglarki, bolalar! Qahramonlar har doim kerak. Ular orqali 
jamiyat taraqqiyoti tezlashadi. Bu haqda ko’plab kinolar ham ishlangan. Uning 
ba’zilarini sizlar ham ko’rgansizlar. 
Tarixdan ma’lumki, zardo’shtlik dini dunyoning eng tarixiy dinlaridan biri. 
Zardo’sht (ba’zi manbalarda Zardo’shtra, Zaroastr), degan nom ushbu din 
asoschisining nomi bo’lib, u donishmand munajjim bo’lgan. Rivoyatlarga ko’ra, 
donishmand Zardo’sht 30 yoshlar atrofida mazkur ta’limot bilan chuqur 
shug’ullanadi va bu ta’limot uning qalbidan mustahkam o’rin oladi. Natijada 
Zardo’sht tomonidan bayon etilgan, ya’ni shakllangan tushunchalar va ma’lumotlar 
bir tizimga keltirilib “Avesto” nomli muqaddas kitobning paydo bo’lishiga olib 
keladi. 
Aziz bolajonlar bu ta’limotning yaratuvchisi Zardo’sht shunday qahramonlik 
ko’rsatdiki, uning ta’limoti bo’yicha Yer yuzidagi barcha yomonlik va yovuzliklarni 
temirni suvdek eritib, uning yordamida Yer qahriga kiritib yuborish kerak edi. U 
doimo yovuzlik ustidan ezgulik g’alaba qilishini targ’ib qildi. Odamni ham ruhiy 
jihatdan, ham jismoniy jihatdan toza tutish va Yer yuzini ham toza tutish uning 
ta’limotining asosiy g’oyalari edi. 

---

 105
 Endi qahramonlarimizdan To’maris momomiz haqida ma’lumot beramiz. 
Miloddan avvalgi 530 yilda massagetlar yo’lboshchisi malika To’maris Kir II 
boshchiligidagi bosqinchilarga qarshi kurashda qahramonlik ko’rsatgan.