Microsoft Word maktabgacha talim muassasalarida manaviy marifiy ishlar

3. 2. “Vatan qahramonlari, deb kimni aytamiz?”mavzusi bo’yicha  
“Ma’naviyat saboqlari” mashg’ulotini olib borish texnologiyasi 
 
Bizning  mamlakatimizda yoshlar tarbiyasiga 
e’tibor davlat – siyosatining ustivor yo’nalishlariga 
aylantirilgan. Hukumatimiz bolalar tarbiyasi va 
ularning ham jismonan, ham ma’nan barkamol 
bo’lishiga katta e’tibor bermoqda. Bu uzluksiz 
ta’lim tizimini tashkil etilishidan ham sezilib turadi. 
Bu ayniqsa, MTM dan yaqqol seziladi. Ular uchun 
barcha sharoitlar yaratilgan, maktabgacha tarbiyani  
maktabgacha ta’lim, deb ataladigan bo’ldi. 
MTM da tarbiyalanadigan bolalarga ta’lim – tarbiya berishda murabbiy va 
tarbiyachilar sezgirlik va g’amxo’rlikni talabchanlik bilan, pedagogik mahorat, 
bilim va tajribalarni o’zlarida mujassamlashtirishi kerak. Bularning hammasi MTM 
da faoliyat yurituvchilardan kasbiy tayyorgarlik, doimiy ijodkorlik va 
insonparvarlik, ko’ngil kengligi va saxiylik, ehtiros va mehribonlik, shuningdek, 
maxsus tayyorgarlikni talab etadi. Bunga sabab, MTM da bolalar jamoasini 
jipslashtirishga to’g’ri keladi, ular bilan qiziqarli faoliyat yuritishni, bu ishldarda 
ishtirok etish, tarbiyaning turli shakllari va usullarini bilish, nafaqat bilish, balki 
undan foydalana olish – bir qaraganda oddiy ko’ringani bilan, aslida juda qiyin, 
zero bular hammasining diqqat markazida tirik odam bola shaxsi turibdi. Bu 
tarbiyachi va murabbiylaridan pedagogika va psixologiya bilimlari asoslarini, 
pedagogik va aktyorlik mahoratini, pedagogik muloqot, boshqaruv, shuningdek, 
MTM faoliyatining xususiyatlari haqidagi bilimlarni talab etadi. Bunday talablar 
haqida mazkur tadqiqot ishimizning “2.5– “Ma’naviyat saboqlari” darslariga 
metodik tayyorgarlik”, deb nomlangan qismida va 3.1 – qismidagi 1 – jadvalda 
batafsil ma’lumot berilgan. 
Endi quyida ular asosida tashkil etilgan bir dars ishlanmasini beramiz.