Microsoft Word Jahon tarixi rasmsiz pechat varianti doc

Nabonid 17 yillik (miloddan avvalgi 555-538-yillar) 
hukmdorligi davrida mamlakat butunligini saqlash uchun qattiq 
kurash olib borgan. U shohligining dastlabki yillari shimoliy Suriyada 
ko‘tarilgan qo‘zg‘olonni bostirib, Xamat hamda Amurru 
mamlakatiga qo‘shin tortib, to Edemning janubigacha yetib boradi. 
Ammo Bobil uchun asosiy xavf uyasi bu yerda emas edi. Suriya bilan 
Falastin bostirilgan, shuningdek, kuchsizlanib qolgan Misrdan yordam 
kuta olmasdilar. Tir shahrini Nabonid podsho qilib ko‘targan Xiram 
II idora qilar edi. Mesopotamiyaning shimoliy qismida Bobil uchun 
ancha mushkul ahvol yuzaga keladi. Midiya hukmdori Astiag 
(Ishtuvegu) Shimoliy Mesopotamiyaga yurib, Xarran o‘lkasiga kirib 
boradi. Yozuvlardan ma'lum bo‘lishicha, Nabonid