Microsoft Word Jahon tarixi rasmsiz pechat varianti doc

Miloddan avvalgi IX-VIII asrlardayoq midiyaliklar jamoasida 
urug‘chilik tuzumining yemirilish jarayoni boshlangan va ijtimoiy 
tabaqalanish yuzaga kelgan. Bir tomondan, urug‘doshlar orasidan 
zodagonlar ajralib chiqqan bo‘lsa, ikkinchi tomondan esa 
dehqonchilik va o‘troq chorvachilikning rivojlanishi bilan bir qatorda 
qulolchilik ham paydo bo‘lgan. Miloddan avvalgi IX-VIII asrlarda 
ossuriyaliklarni midiyaliklar bosqinidan muntazam ravishda muhofaza 
qilish uchun qulchilik muhim o‘rin tutgan. Bu hol midiyaliklarni 
qabila ittifoqiga birlashishini va Midiya quldorlik davlatini tashkil 
topishini tezlashtirdi. Bunga mulkiy tengsizlik hamda qullar sonining 
oshib borishi ham sabab bo‘lgan. Lekin shunga qaramay, bu davlat 
endigina shakllanayotgan edi. Ossur yozuvlari va boshqa manbalarda 
qayd etilishicha, Midiya davlatini shohlar boshqargan.