Microsoft Word ece. Cep. 156. Uzbek doc

11-боб: АТРОФ-МУҲИТ ВА ЭНЕРГЕТИКА 
Тавсия 11.1: 
Парламентнинг нуфузли комиссияси Энергиядан оқилона фойдаланиш тўғрисидаги қонунни қайта 
кўриб чиқиши ва унга риоя қилишни таъминлашни кучайтириши лозим. Шу муносабатда қонунга 
ўзгартириш ва қўшимчаларни ва риоя этишни таъминлаш учун йўриқномани таклиф қилиш учун 
мутахассислар гуруҳини ташкил этиш лозим. 
Ушбу тавсияга мувофиқ бўлиш учун 1997 йил Энергиядан оқилона фойдаланиш тўғрисида қонунга 
2003 йилда қўшимча ва ўзгартиришлар киритилди. Энергетика самарадорлиги, энергиядан оқилона 
фойдаланиш ва энергия сифати устидан давлат назорати ва уни тартибга солиш масъулияти Ўзбекистон 
Стандартлаш, метрология ва сертификатлаш агентлиги (Ўзстандарт) зиммасига юкланди. Шунингдек, 
бир қатор қонун ости ҳужжатлар ҳам, жумладан 2003 йилда Вазирлар Маҳкамаси Электр ва иссиқлик 
энергиясидан фойдаланиш тартибини тасдиқлаш тўғрисида қарор қабул қилди. 
Тавсия 11.2: 
Иқтисодитнинг ҳар бир тармоғида энергияни тежаш режаси ишлаб чиқилиши ва қабул қилиниши ва 
уни узоқ муддатли стратегияси ва сиёсатига интеграциялаши лозим. Ушбу тавсиялар Энергиядан 
оқилона фойдаланиш тўғрисидаги қонун ва келажак энергияни тежаш миллий дастури билан жорий 
этилиши лозим. Энг энергияталаб тармоқларда қўшимча энергияни тежайдиган техникавий чоралар 
кўрилиши лозим. 
 
1997 йил Энергиядан оқилона фойдаланиш тўғрисидаги қонунда энергиядан оқилона фойдаланиш 
борасидаги мамлакат, тармоқлар ва вилоятлар миқёсидаги дастурларга тегишли қоидалар бор (12-
модда). Дастурлар Вазирлар Маҳкамаси, вазирликлар ва вилоят ҳокимият органлари томонидан 
ташаббус қилиниши мумкин. Энергиядан оқилона фойдаланиш тўғрисида қонунга мувофиқ 2002 йилда 
Вазирлар Маҳкамаси 2010 йилгача мўлжалланган Энергетика самарадорлиги дастурини қабул қилди. 
Шунингдек Вазирлар Маҳкамаси бир неча қарори ҳам, хусусан, 2005 йил Коммунал хизматларда 
энергияни тежайдиган технологияларни киритиш бўйича қенг қўламли дастурни бажариш чоралари 
тўғрисидаги қарори ва 2006 йил 2007–2008 йилларга мўлжалланган Корхона ва ташкилотларда эскириб 
қолган ва самарадорлиги паст бойларларни алмаштириш дастурини тасдиқлаш тўғрисидаги қарор қабул 
қилинди.
 
Тавсия 11.3: 
Ҳукуматнинг энергиядан оқилона фойдаланишни тарғиб қилиш сиёсатига молиявий ёрдам кўрсатиш 
мақсадида ҳукумат, мумкин қадар тез суръатда, энергияни тежаш ташаббуслар ва лойиҳалар ҳисса 
қўшадиган энегияни тежаш жамғармасини барпо этиши лозим. Бундай жамғарма энергия жиҳатидан 

---

195 
самарадор ва экологик жиҳатдан оқилона технологияларни, янги ва янгиланадиган ресурсларни ва 
чиқиндисиз технологияларни жорий этишга қўмаклашар эди. Бундай жамғармани ташкил этиш 
Энергиядан оқилона фойдаланиш тўғрисидагт қонунда назарда тутилган эди, аммо жамғарма барпо 
этилмади. 
 
Ушбу тавсия ҳозирча бажарилмади. 
 
Тавсия 11.4: 
Стандартлаштириш давлат маркази (ЎзДавСтандарт) Табиатни муҳофаза қилиш давлат қўмитаси, 
Ўзбекнефтгаз ва Ўзбекэнерголарнинг фаол иштирокида ёқилғи сифати стандартлари, жумладан 
ГОСТ 10 585-75 стандартини оғир нефтда олтингугурт миқдорини энг кўпи бир фоиз билан чеқлаш, 
ёқилғи истеъмоли махсус нормалари ва эмиссия шифтини ҳар бир электр станцияси ва турли 
секторлар ва фаолият турлари учун махсус ёқилғи истеъмол қилиш меъерини белгилаш учун қайта 
кўриб чиқиши лозим. 
 
Ушбу тавсия ҳозирча бажарилмади. 
 
Тавсия 11.5: 
Макроиқтисодиёт ва статистика вазирлиги ёқилғи нархини ёқилғи сифати асосида белгилаши ёки 
ишлаб чиқарувчилар ва фойдаланувчиларга нарх устида келишишига имкон бериши лозим. 
Ушбу тавсия ҳозирча бажарилмади.