Microsoft Word ece. Cep. 156. Uzbek doc

7.11 
Ўрмонли ерлар 
Ўзбекистоннинг 8,8 миллион гектар ўрмон фонди ерларидан тахминан 3,4 миллион га ўрмон билан 
қопланиб, бу давлат ҳудудининг 7,5 фоизини ташкил қилади ва 0,9 миллион га бошқа дарахтли 
ерлардир. Ўрмонларнинг ҳаммаси давлат мулкидир. Ўрмонларни муҳофаза қилишни, сақлашни ва 
экишни Вазирлар Маҳкамаси Қишлоқ ва сув хўжалиги вазирлигининг ўрмон хўжалиги бўлими, 
шунингдек маҳаллий давлат органлари ва идоралари назорат қилади. Ўрмон хўжалиги бўлими етти 
минтақавий ўрмончилик маркази орқали ўрмон бошқаруви учун мутасадди ҳисобланади. 
Арид контитентал иқлим шароитида ўсадиган Ўзбекистон ўрмонлари асосан ҳимоя бўлиб хизмат 
қилади, масалан дарё бассейнларининг ҳимояси, шамол ва чангдан ҳимоя зоналари, биохилма-хиллик ва 
ёввойи дунё муҳофазаси. Ёғочни маҳаллий аҳоли ўтин ва қурилиш учун йиғади, ҳолбуки саноат 
миқёсида ишлатиш ниҳоятда чекланган. Ўрмоннинг ёғочдан ташқари маҳсулоти қишлоқ ерларда аҳоли 
турмуш воситаларига катта ҳисса қўшади, бу масалан, ёнғоқ, мева, резаворлар, қўзиқорин ва доривор 
ўсимликлар териш, ов, чорва боқиш ва асаларичилик. Ўрмон деградацияси, саҳроланиш ва тупроқ 
эрозияси тоғлик ҳудудларда катта ташвиш уйғотади, улар кўп ҳолларда ижтимоий иқтисодий 
муаммолар ва кам таъминланганлик туфайли юзага келади ёки оғирлашади. Бундай зиёнга олиб 
келадиган дарахтларни ноқонуний кесиш, ортиқча чорва боқиш ва ўсимликлар захирасига зарар 
етказиш каби антропоген фаолиятга қарши курашишга юксак аҳамият берилган. Тасодифий зарар, 
ёнғин, зараркунандалар ва касалликларни камайтириш яна бир муаммодир. Ўрмон хўжалиги бўлими 
йилига тахминан 42.000 ер майдонда ўрмонлар екади. Биохилма-хиллик ва ёввойи ҳаётни муҳофаза 
қилиш мақсадида табиат қўриқхоналари барпо этилди. 
Миллий ўрмон дастури 2006 йилда маҳаллий жамоаларга фойда келтирадиган узоқ муддатли барқарор 
ўрмон хўжалигини қўллаб-қувватлар мақсадида бошлаб юборилган эди. У ўрмон ресурсларни 
инвентаризация қилиш, баҳолаш ва мониторинг қилиш учун институциявий имкониятларни 
ривожлантириш, дарахтлардан барқарор фойдаланишни илгари суриш, ўрмонлар билан боғлиқ 
муаммолар тўғрисида жамият хабардорлиги ошириш, ўрмонларни бошқаришда жамоатчилик 
иштирокини кенгайтириш ва ўрмончилик соҳосида таълим ва малака оширишни кўчайтиришга 
қаратилган. 

---

134