Microsoft Word Bolalar nevrologiyasi end doc

 
YANGI TUG‘ILGAN VA BIR YOSHGACHA BO‘LGAN BOLALARDAGI 
SHARTSIZ REFLEKSLAR 
Emizikli bolalardagi shartsiz reflekslar ikki turga bo‘linadi: segmentar 
harakat avtomatizmi orqa miya segmenti bilan va miya ustuni (oral avtomatizm) 
bilan ta’minlanadi. Segment usti pozotonik avtomatizmi, tana va boshning holatiga 
qarab, mushak tonusi boshqarilishini ta’minlaydi (uzunchoq miya va o‘rta miya 
markazlari bilan boshqariladi). 
Oral segmentar avtomatizmi yangi tug‘ilgan chaqaloq uchun muhim 
ahamiyatga ega, chunki bolaga emish va so‘rish imkoniyatini beradi. Bu shartsiz 
refleks sog‘lom tug‘ilgan bolada birinchi kundan boshlab paydo bo‘ladi, bularga 
quyidagilar kiradi.
Kaft-og‘iz refleksi 
(Babkin refleksi). 
Kaft sohasini bosilsa, chaqaloq og‘zini ochadi va boshini egadi. Bu refleks 
sog‘lom tug‘ilgan chaqaloqlarning hammasida bo‘ladi, ayniqsa, emishdan oldin 
yaqqol namoyon bo‘ladi. Mazkur refleks bo‘shroq bo‘lishi, markaziy nerv 
tizimining zararlanganidan darak beradi. Tug‘ilish jarohatini o‘tkazgan bolalarda 
dastlab bu refleks yo‘q bo‘lib, uning paydo bo‘lishi bolalarni sog‘ayib 
borayotganidan dalolat beradi.
Hartum refleksi 
– tekshiruvchi barmog‘i bilan tez va yengil chaqaloqni 
labiga urib ko‘radi. Natijada og‘izning aylanma mushagi qisqarib lab 
cho‘chchayadi va «hartumga» o‘xshaydi. Normada bu refleks 2-3 oygacha 
aniqlanadi va uni 3 oydan keyin ham chaqirilishi markaziy nerv tizimining 
kasalligidan darak beradi.
 Kussmaulning qidiruv refleksi 
– labga tegmay og‘iz 
burchagini silansa, og‘iz burchagi pastga osiladi va boshi silangan tomonga 
buriladi. Bu refleks bola emishdan oldin yaqqol ko‘rinadi. Qidiruv refleksi ikki 
tomonda simmetrik chaqirilishi kerak. Agar yuz nervi zararlansa, shu tomonda 
chaqirilmaydi. Mazkur refleks bolaning 3-4 oylik vaqtigacha bo‘ladi, so‘ng ko‘rish 
ta’sirotida reaksiya paydo bo‘lishi bilan bola ona ko‘kragi yoki sutli idishni ko‘rsa 
jonlanib ketadi.