Microsoft Word Bolalar nevrologiyasi end doc

So‘rish refleksi
yangi tug‘ilgan chaqaloq og‘zini ta’sirlaganda paydo 
bo‘ladi. Masalan, bola og‘ziga so‘rg‘ich solib qo‘yilsa, ritmik so‘rish harakati sodir 
bo‘ladi. Refleks 1 yoshga borguncha saqlanib qoladi.
Spinal segmentar avtomatizmi. 
Yangi tug‘ilgan chaqaloqning himoya 
refleksi. Agar tug‘ilgan chaqaloqni qorniga yotqizilsa u boshini reflektor holda bir 
tomonga buradi. Agar bu refleks chaqirilmasa bolada markaziy nerv tizimi 
zararlangan bo‘ladi.

---

 83
Tayanch refleksi va avtomatik yurish.
Yangi tug‘ilgan chaqaloqda 
turishga tayyorgarlik bo‘lmaydi, lekin u tayanch refleksiga qodir bo‘ladi. Agar 
vertikal (tik) holda ushlab turilsa, u barcha bo‘g‘imlarida oyog‘ini bukib oladi. 
Tayanch holatida ushlab turilsa chaqaloq tanasini to‘g‘rilaydi va yarim bukilgan 
oyog‘ida turadi. Bu holat qadam tashlab yurishga tayyorgarlikdir. Agar chaqaloqni 
oldinga ozgina og‘dirilsa u holda u qadam tashlashga urinadi. (Yangi tug‘ilgan 
chaqaloqni avtomatik yurishi). Mazkur reflekslar 1,5 oygacha davom etadi va 
keyinchalik yo‘qoladi, o‘rnini fiziologik astaziya-abaziya egalaydi. Faqat bir 
yoshga borgandagina mustaqil turish va yurishga qobiliyati paydo bo‘ladi, bu 
shartli refleks deb qaraladi va uning sodir bo‘lishi uchun bosh miya po‘stlog‘ining 
faoliyati mu’tadil holda bo‘lishi kerak. 
Bauerning emaklash refleksi.
Yangi tug‘ilgan chaqaloqning boshini o‘rta 
chiziqqa qo‘yib qorniga yotqiziladi. Bu holda u sudralish yoki emaklash harakatini 
bajaradi. Agar ikki oyoq kaftiga barmoqni qo‘yib turilsa, bola reflektor holda 
oyog‘ini oldinga siljita boshlaydi va surilish tezlashadi 3-4 kunga borib siljish 
harakati ancha rivojlana boradi va 4 oylik bo‘lguncha bu refleks saqlanib, keyin 
yo‘qoladi. Asfiksiya, miyaga qon quyilishi va orqa miyasi lat yegan bolalarda bu 
refleks chaqirilmaydi. Agar markaziy nerv tizimi kasalligi bo‘lsa siljish refleksi 6-
12 oygacha saqlanib qoladi.