Microsoft Word Bolalar nevrologiyasi end doc

Tashhis qo‘yish.
 
Hozirgi vaqtda OIV-infeksiyaga tashhis qo‘yish quyidagi usullar bilan 
amalga oshiriladi: 
1)
qonda spetsifik antigenlarni aniqlash; 
2)
qonda spetsifik immunoglobulinlarni aniqlash (immunoferment va 
radioimmun analiz yordamida o‘tkaziladi); 
3)
retroviruslarda yuqori spetsifik bo‘lgan virus fermenti – revertazani (yoki 
teskari transkriptazani) aniqlash (normada odamlar va hayvonlarda bu 
ferment aniqlanmaydi);
4)
virus RNKsi (genomi) yoki DNK-nushani aniqlash (gen gibridizatsiyasi 
usuli bilan aniqlanadi). 

---

 252
Bundan tashqari immun tanqislik haqida dalolat beruvchi nospetsifik usullar 
ham mavjud. Birlamchi neyroOITSda, ayniqsa, kasallikning erta bosqichlarida, 
qonda o‘zgarishlar topilmasa ham, likvorda immunologik o‘zgarishlar aniqlanadi. 
NeyroOITS bilan kasallangan bemorlar likvorida lemfotsitar pleotsitoz (1mkl da 
190 gacha) va T-xelperlar (T4) miqdori keskin pasayishi kuzatiladi. Endotelial 
hujayralarning virus bilan zararlanishi miyaning GET va immun to‘sig‘i 
funksiyasining buzilishiga olib keladi. Shu aniqlanganki, likvorda OIV ko‘p 
hollarda yuqori titrlarda mavjud bo‘ladi – 1 ml da 100 dan ortiq zararlangan 
tanacha. Shu bilan bir vaqtda OIV-musbat likvorli bo‘lgan ba’zi bemorlar qonida 
infitsirlangan qon tanachalari topilmadi. Shuning uchun neyroOITSga tashhis 
qo‘yishda likvor hujayralarida immunologik tekshiruvlar o‘tkazish zarur. Ikkinchi 
tarafdan, qon zardobida virusning bo‘lishi likvorda ham topilishi shart degani 
emas.
Hozirgi vaktda neyroOITSga tashhis qo‘yishda va uning davolanishini 
nazorat qilishda KT, MRT, PET, ENMG, EEG kabi usullar ishlatiladi. 
Davolash.
 
Hozirgi vaqtda OITSni samarador davolash usullarini qidirish faol amalga 
oshirilmoqda. Ma’lumki, retroviruslar qatoriga kiruvchi OIV dori vositalarining 
ta’siriga chap beradi. OIV bilan zararlanganda bu muammo ancha dolzarb 
hisoblanadi, chunki virus GET himoyasidagi miyaning neyroglial hujayralarini 
zararlaydi. Ma’lumki, GET esa o‘z navbatida ko‘p dori vositalar uchun yengib 
bo‘lmaydigan to‘siq hisoblanadi. Ammo hozirgi vaqtda virus replikasiyasini 
pasaytirib turuvchi bir nechta preparatlar sintezlangan. Ulardan biri, azidotimidin, 
neyroOITSni davolashda qo‘llaniladi. Bu preparat teskari transkriptaza 
fermentining ingibitori bo‘lib, OIV replikatsiyasiga to‘sqinlik qiladi. Azidotimidin 
5mg/kg hisobida v/i ga yuborilganda, 10 mg/kg hisobida og‘iz orqali qabul 
qilinganda GET orqali o‘tadi. Bu esa uni bosh miyadagi adekvat 
kontsentratsiyasini ta’minlab beradi.
OIV virusiga ta’sir ko‘rsata turib, virusga qarshi preparatlar immuntanqislikni 
oldini olishda samarador vosita bo‘lib hisoblanishi mumkin. Bu esa 
«opportunistik» infeksiyalarni yuzaga kelishini oldini oladi.
Spetsifik virusga qarshi preparatlar bilan birgalikda simptomatik davo 
vositalari qo‘llaniladi. Ularga immunomodulyatorlar, immunostimulyatorlar va 
miya ko‘migini ko‘chirib o‘tkazish kabi usullar kiradi. Immunomodulyator, 
ko‘proq xelper xususiyatga ega bo‘lgan preparat T-aktivin (buzoqlar timusidan 
olinadi) keng ko‘lamda ishlatiladi. Bu preparat peptidlar kompleksidan iborat 
bo‘lib, teri ostiga kuniga 1 mahal 1 ml dan yuboriladi. 
«Opportunistik» infeksiyalar qo‘shilganda gerpes, sitomegalovirus, kandida 
zamburug‘lari, aspergillar, kriptokokklar, sil mikobakteriyalari, rangpar spiroxeta, 
toksopalazmaga qarshi ta’sir qiluvchi preparatlar ishlatiladi.
Hozirgi vaqtda OITSga qarshi vaksina yaratish virusolog va immunologlar 
uchun murakkab masala bo‘lib, u hali o‘z yechimini topgani yo‘q.

---

 253